سینٹ میں قائد حزب اختلاف اعتزاز احسن سمیت کئی اہم اراکین کو دوبارہ ٹکٹ جاری نہیں کئے گئے

اتوار 11 فروری 2018 20:00

اسلام آباد ۔ (اُردو پوائنٹ اخبار آن لائن۔ اتوار 11 فروری 2018ء) 3 مارچ کو ہونے والے سینیٹ انتخابات کے لئے موجودہ قائد حزب اختلاف اعتزاز احسن سمیت کئی اہم اراکین کو دوبارہ پارٹی ٹکٹ جاری نہیں کئے گئے، سابق صد آصف زرداری کے ترجمان فرحت اللہ بابر،عوامی نیشنل پارٹی کے الیاس بلور، شاہی سید، مسلم لیگ (ن) کے سردار ذوالفقار کھوسہ، ایم حمزہ کو بھی دوبارہ ٹکٹ نہیں دیا گیا۔

(جاری ہے)

اے پی پی کے مطابق 11مارچ کے بعد سینٹ سے مسلم لیگ ق اور بلوچستان نیشنل پارٹی عوامی کی بھی نمائندگی ختم ہو جائے گی۔بلوچستان نیشنل پارٹی کے اسرا اللہ زہری بھی سبکدوش ہو رہے ہیں اور انہوں نے دوبارہ الیکشن میں نہ جانے کا فیصلہ کیا ہے،مسلم لیگ(ن) کے سینیٹر سعود مجید ، ظفراللہ ڈھانڈلہ کو بھی دوبارہ ٹکٹ نہیں دیا گیا، بلوچستان سے پی پی پی کے سینیٹر سردار فتح محمد محمد حسنی ،سندھ سے تاج حیدر کو بھی دوبارہ ٹکٹ نہیں دیا گیا۔آزاد سینیٹر محسن لغاری بھی سبکدوش ہو جائیں گے۔اس کے علاوہ سابق صد آصف زرداری کے ترجمان فرحت اللہ بابر بھی آئندہ ہونے والے انتخابات میں حصہ نہیں لے رہے۔