اقتدار میں آکر سب سے پہلے ریاستی اداروں کو ٹھیک کروں گا ،ْعمران خان

سینیٹ کے ایک ٹکٹ کیلئے 40 کروڑ روپے کی پیشکش ہوئی ،ْوزیراعظم اور وزیراعلیٰ کے پاس صوابدیدی فنڈ نہیں ہوتا ،ْسرمایہ دارانہ نظام کے خلاف ہوں اور اسلامی فلاحی ریاست پر یقین رکھتا ہوں ،ْمیاں صاحب! ساتھ چلیں دکھاتا ہوں درخت کہاں لگے ہیں ،ْتقریب سے خطاب

پیر 12 فروری 2018 21:52

اسلام آباد (اُردو پوائنٹ اخبار آن لائن۔ پیر 12 فروری 2018ء)پاکستان تحریک انصاف کے چیئرمین عمران خان نے کہاہے کہ اگر ان کی جماعت اقتدار میں آئی تو ان کا سب سے پہلا کام ریاستی اداروں کو ٹھیک کرنا ہوگا۔وکلاء کی تقریب سے خطاب میں چیئرمین پی ٹی آئی نے کہا کہ جمہوریت میں ادارے ہوتے ہیں، احتساب ہوتا ہے ،ْ اقتدار میں آکر سب سے پہلے اداروں کو مضبوط کریں گے۔

عمران خان نے ایک بار پھر یہ دعویٰ کیا کہ انہیں سینیٹ کے ایک ٹکٹ کیلئے 40 کروڑ روپے کی پیشکش ہوئی۔چیئرمین تحریک انصاف نے کہا کہ جمہوریت میں بجٹ ہوتا ہے، وزیراعظم اور وزیراعلیٰ کے پاس صوابدیدی فنڈ نہیں ہوتا، میں سرمایہ دارانہ نظام کے خلاف ہوں اور اسلامی فلاحی ریاست پر یقین رکھتا ہوں۔

(جاری ہے)

نواز شریف عدلیہ مخالف مہم چلارہے ہیں، عمران خانعمران خان نے کہا کہ ملک پٴْلوں یا سڑکوں سے نہیں بنتے بلکہ تعلیم سے بنتے ہیں، پنجاب میں اس وقت تک کچھ نہیں ہوسکتا جب تک رائے ونڈ سے حکم جاری نہ ہو، رائے ونڈ کے حکم کے بغیر کوئی ایس ایچ او بھی تعینات نہیں ہوسکتا۔

انہوں نے کہا کہ بادشاہ ٹیکس کے پیسے کا غلط استعمال کرتا ہے، جمہوریت میں ایسا نہیں ہوتا، کس نے اجازت دی کہ عوام کا پیسہ اس طرح خرچ کریں۔عمران خان نے کہا کہ ان کے نظریاتی رول ماڈل علامہ اقبال جبکہ سیاسی رول ماڈل قائد اعظم محمد علی جناح ہیں۔خیبر پختونخوا میں بلین ٹری سونامی منصوبے کے حوالے سے گفتگو کرتے ہوئے عمران خان نے کہا کہ آئندہ نسلوں کیلئے دو چیلنجز سامنے آرہے ہیں ،ْآلودگی اہم مسئلہ ہے جس سے اوسط زندگی کم ہو رہی ہے۔

انہوں نے کہا کہ کے پی حکومت نے ایک ارب سے زائد درخت لگائے ہیں جس پر میں کے پی حکومت کو مبارکباد دیتا ہوں، ڈبلیوڈبلیو اونے دومرتبہ لگائے گئے درختوں کا آڈٹ کیا ہے لیکن میاں صاحب کو درخت نظر نہیں آرہے۔عمران خان نے کہا کہ میاں صاحب! میریساتھ چلیں، میں دکھاتاہوں درخت کہاں لگے ہیں۔چیئرمین تحریک انصاف نے دعویٰ کیا کہ ماہراقتصادیات حفیظ پاشا کے مطابق خیبر پختونخوا میں معاشی شرح نمو5 فیصد ہے جو دیگر صوبوں کے مقابلے میں زیادہ ہے۔انہوں نے کہا کہ وہ میرٹ پر لوگوں کو لائیں کے جس سے ادارے ٹھیک ہوجائیں گے۔