کوئٹہ،موسیٰ خیل لیویز کے عملے نے دو بچیوں کو تحویل میں لے کر اسلحہ ایمو نیشن برآمد کر لیا

منگل 17 اپریل 2018 22:34

کوئٹہ (اُردو پوائنٹ اخبار آن لائن۔ منگل 17 اپریل 2018ء)موسیٰ خیل لیویز کے عملے نے دو بچیوں کو تحویل میں لے کر اسلحہ ایمو نیشن برآمد کر لیا یہاں آمدہ اطلاعات کے مطابق گزشتہ روز ڈپٹی کمشنر موسیٰ خیل کو خفیہ اطلاع ملی تھی کہ جرگے کے ذریعے کم سن بچیوں کو مخالف فریق کو دیا جا رہا ہے جس پر اسسٹنٹ کمشنر نے لیویز کے ہمراہ بروقت کا رروائی کر تے ہوئے ایک گھر پر چھاپہ مار کر دو کم عمر بچیوں ( ش) اور(ر) کو تحویل میں لے کر گھر سے ایک رائفل ، 2 کلاشنکوف، ٹی ٹی پسٹل درجنوں رائونڈ، متعدد میگزین برآمد کر کے قبضے میں لے لی بتایا جاتا ہے کہ دونوں کم عمر بچیوں کو جرگے کے فیصلے کے مطابق مخالف فریق کو دونوں بچیوں اور15 لاکھ روپے دینے تھے کہ لیویز کے عملے نے بروقت اطلاع ملنے پر بچیوں کو تحویل میں لے کر جر گے کے اراکین کے خلاف مقدمہ درج کر کے کا رروائی شروع کر دی ۔