پیمرا کی کونسل آف کمپلینٹس سندھ کی وزیر داخلہ سندھ کی شکایت پر سماء ٹی وی اور ابتک ٹی وی کو جرمانے

پیمرا کی ٹی وی چینلز کو ذمہ دارانہ رپورٹنگ یقینی بنانے کی تنبیہ

جمعہ اپریل 21:09

اسلام آباد (اُردو پوائنٹ اخبار آن لائن۔ جمعہ اپریل ء)پاکستان الیکٹرانک میڈیا ریگولیٹری اتھارٹی (پیمرا) کی کونسل آف کمپلینٹس سندھ نے وزیر داخلہ سندھ سہیل انور خان سیال،علی جہانگیر صدیقی کی شکایت پر سماء ٹی وی کو 8لاکھ اور ابتک ٹی وی کو 5لاکھ جرمانے کر دیئے، ٹی وی چینلز کو ذمہ دارانہ رپورٹنگ یقینی بنانے کی تنبیہ کی گئی ہے ۔

جمعہ کو پیمرا کونسل آف کمپلینٹس سندھ کا اجلاس محمد انعام بری کی زیر صدارت ریجنل دفتر میں منعقد ہوا۔اجلاس میں ممبران کونسل انجم آراء صباح الدین، لال ماجد ، مظہر علی سیٹھو ، مکیش کمار اور سیکرٹری سی او سی اشفاق جمانی بھی شریک تھے ۔اجلاس میں سندھ کے وزیر داخلہ سہیل انور خان سیال کی جانب سے ابتک ٹی وی اور سماء ٹی وی کیخلاف بے بنیاد اور ہتک آمیز مواد نشر کرنے کے خلاف شکایت کی سماعت کی گئی ۔

(جاری ہے)

دونوں ٹی وی چینلز کونسل کو مطمئن نہیں کرسکے جس پر دونوں کو 5,5لاکھ روپے جرمانہ کیا گیا ۔کونسل نے جے ایس بینک کی جانب سے چیئرمین جے ایس بینک علی جہانگیر صدیقی کی امریکہ کے سفیر کی تقرری کے حوالے سے سماء ٹی وی پر غلط ،ہتک آمیز خبر نشر کرنے کی شکایت کی سماعت کی ۔کونسل نے سماء ٹی وی کو 3لاکھ روپے جرمانہ کیا اور تنبیہ کی کہ ذمہ دارانہ رپورٹنگ یقینی بنائی جائے ۔کونسل نے آرتھو پیڈک ایسوسی ایشن کے صدر ڈاکٹر خان اعظم خان کی جانب سے آج ٹی وی پر ہسپتال کے حوالے سے بے بنیاد اور ہتک آمیز خبر نشر کرنے کی شکایت کی سماعت کی ،معاملہ سندھ ہائیکورٹ میں زیر سماعت ہونے پر شکایت پر کارروائی موخر کر دی اسی طرح آج ٹی وی کیخلاف بھی ایک شکایت پر کارروائی موخر کر دی گئی۔

Your Thoughts and Comments