سابق آئی جی پنجاب مشتاق سکھیرا نے لاہور پولیس کو اضافی سیکیورٹی واپس دینے سے انکار کر دیا‘زرائع

اتوار 22 اپریل 2018 23:21

لاہور(اُردو پوائنٹ اخبار آن لائن۔ اتوار 22 اپریل 2018ء) سابق آئی جی پنجاب مشتاق سکھیرا نے لاہور پولیس کو اضافی سیکیورٹی واپس دینے سے انکار کر دیا۔زرائع کے مطابق چیف جسٹس آف پاکستان میاں ثاقب نثار نے تمام آئی جیز کو احکامات دیئے تھے کہ وی وی آئی پیز کو دی گئی سیکیورٹی واپس لی جائے۔ جس پر لاہور کے 441 وی وی آئی پیز سے اضافی سیکیورٹی واپس لے لی گئی۔

(جاری ہے)

سابق آئی جی مشتاق سکھیرا کو دی جانے والی ڈسٹرکٹ لاہور کی سیکیورٹی کو بھی واپس بلا لیا گیا۔ لیکن مشتاق سکھیرا نے اضافی سیکیورٹی واپس دینے سے انکار کر دیا اور اپنے ساتھ سیکیورٹی کو ضروری قرار دیالاہور پولیس کے مطابق مشتاق سکھیرا کے ساتھ ایک سکواڈ اور ایلیٹ فورس کی نفری بھی موجود ہے جس کو واپس بلوایا گیا تھا، مگر انہوں نے سیکیورٹی واپس کرنے سے انکار کردیا، اس حوالے سے اعلی حکام کو آگاہ کر دیا گیا۔