چین ، کافور کے درختوں سے نوٹ گرنے لگے

کائونٹی کے لوگ ہر روز درخت سے گرنے والے نوٹ جمع کر نے کیلئے یہاں آتے ہیں ہی فینگ گائوں میںکافور کے درختوں کے پتے گائوں والوں کی آمدنی کا بڑا ذریعہ ہے

اتوار 22 اپریل 2018 23:20

چینگ ڈو(اُردو پوائنٹ اخبار آن لائن۔ اتوار 22 اپریل 2018ء)شمال مغربی چین کے صوبے سیچوان کی ایک کائونٹی ژی بن کے درختوں سے نوٹ گرنے لگے اور یہ نوٹ جمع کرنے کیلئے کائونٹی کے رہائشی روزانہ اس علاقے میں آتے ہیں اور درختوں سے گرے ہوئے نوٹ جمع کر کے لے جاتے ہیں ۔ تفصیلات کے مطابق ژی بن کائونٹی میں تین ہیکٹر رقبے پر ہی فینگ گائوں کے فان ڈی چینگ نے کافور کے درخت لگا رکھے ہیں جن سے روزانہ ہزاروں پتے گرتے ہیں ، یہ پتے چننے کیلئے فان ڈی چینگ نے کئی مزدور حاصل کر رکھے ہیں جن کے ذریعے وہ یہ پتے چن کر مارکیٹ میں فروخت کردیتا ہے ، ان پتوں کی فروخت سے گزشتہ سال اس نے 16ہزار امریکی ڈالر (ایک لاکھ یوآن)حاصل کئے تھے جبکہ اوسطاً ہر مزدور کو بھی 14ہزار یوآن کی آمدنی ہوئی جبکہ گائوں کو ان گرنے والے نوٹوں سے ایک کروڑ یوآن سے زیادہ کی آمدنی حاصل ہوئی ۔

(جاری ہے)

یانگ جنگ وین اپنا علاقہ ترک کر کے اس علاقے میں آیا تھا اور اس نے اس طرح مزدوری کر کے 70ہزار یوآن سے ایک گھر بھی خرید لیا ۔ اب وہ اور اس کی بیوی کافور کے ان گرنے والے نوٹوں سے دو لاکھ یوآن کما رہے ہیں ۔ یاد رہے کہ کافور کے پتوں سے تیل تیار کیا جاتا ہے جو سردرد ،چہرے کے دانوں ،ذہنی پریشانی ، پٹھوں کی مضبوطی اور درد کیلئے مفید ہوتا ہے ۔یہاں کافور کا تیل 120یوآن فی کلو کے حساب سے دستیاب ہوتا ہے۔