لاہور ہائیکورٹ نے 29 اپریل کو تحریک انصاف کا جلسہ رکوانے کیلئے دائر درخواست خارج کردی

جلسے روکنا حکومت کا کام ‘آپ سنجیدہ وکیل ہیں‘آپ سے سنجیدہ درخواستوں کی امید رکھتے ہیں‘جسٹس شاہد کریم کے ریمارکس

جمعرات اپریل 23:20

لاہور(اُردو پوائنٹ اخبار آن لائن۔ جمعرات اپریل ء)لاہور ہائیکورٹ نے 29 اپریل کو تحریک انصاف کا جلسہ رکوانے کیلئے دائر درخواست خارج کردی۔درخواست زوہیب عمران شیخ ایڈووکیٹ کی جانب سے دائرکی گئی۔لاہور ہائیکورٹ کے جسٹس شاہد کریم نے درخواست کی سماعت کی۔

(جاری ہے)

درخواست میں موقف اختیار کیا گیا ہے کہ گریٹر اقبال پارک کو قومی ورثہ قراردیا گیا ہے اور قومی ورثے کو تحفظ بھی حاصل ہے،درخواست میں کہاکہ تحریک انصاف کے جلسے سے گریٹ اقبال پارک کی خوبصورتی تباہ ہو جائے گی،عدالت سے استدعا ہے کہ تحریک انصاف کو جلسہ کہیں اور منتقل کرنے کا حکم دیاجائے ہائیکورٹ کے جج جسٹس شاہد کریم نے درخواست خارج کرتے ہوئے ریمارکس دیئے کہ جلسے روکنا حکومت کا کام ہے ،آپ سنجیدہ وکیل ہے اورآپ سے سنجیدہ درخواستوں کی امید رکھتے ہیں۔

Your Thoughts and Comments