عراق میں ایک انتخابی امیدوار کا نبوت کا جھوٹا دعویٰ،شاہرائوں پر پوسٹر آویزاں

جیت کے لیے مذہب استعمال کرنے کی بھونڈی کوشش،میں نبی ہوں،امت کی قیادت ذمہ داری میں شامل ہے،بیان

جمعرات 26 اپریل 2018 12:24

بغداد(اُردو پوائنٹ اخبار آن لائن۔ جمعرات 26 اپریل 2018ء)دنیا بھر میں پارلیمانی انتخابات کے موقع پر امیدوار اپنی جیت یقینی بنانے کے لیے رنگا رنگ نعروں پر مبنی مہمات چلاتے ہیں مگر عراق میں ایک انتخابی امیدوار نے تو تمام اخلاقی اور مذہبی حدود سے آگے بڑھ کر نبوت کا جھوٹا دعویٰ بھی کر ڈالا۔عرب ٹی وی کے مطابق ذی قار گورنری سے پارلیمانی انتخابات کے امیدوار یاسر ناصر حسین نے دعویٰ کیا ہے کہ وہ اللہ کا نبی ہے اور اللہ نے اسے امت کی قیادت کی ذمہ داری سونپی ہے۔

(جاری ہے)

مقامی ذرائع ابلاغ کے مطابق جھوٹے مدعی نبوت نے اپنے حلقے میں بڑی تعداد میں ایسے متنازع دعوے پر مبنی پوسٹر اور بینرز لگائے ہیں جن میں دعویٰ کیا گیا ہے کہ وہ نبی ہے اور امت کی قیادت اس کی ذمہ داری میں شامل ہے۔متنازع پوسٹر سامنے آنے کے بعد لبنان کے سیکیورٹی حکام نے اس واقعے کی تحقیقات شروع کردی ہیں۔ذی قار گورنری میں الیکشن کمیشن کے مقامی عہدیدار رافد الزیدی نے یاسر ناصر حسین کی طرف سے انتخابات کے لیے نبوت کا دعویٰ کرنے کی اطلاعات سے لاعلمی کا اظہار کیاہے۔ان کا کہنا تھا کہ الیکشن کمیشن کو سیکیورٹی حکام کی طرف سے ایسی کوئی شکایت نہیں ملی اورنہ انتخابی امیدوار ناصر حسین کی گرفتاری کے وارنٹ جاری ہوئے ہیں۔

Facebook Twitter Google + Share on Whatsapp

مزید متعلقہ خبریں پڑھئیے‎ :

8 فروری کے عام انتخابات کے بعد جو فارم 47 خلافِ قانون کئی روز تک جاری نہ ہوئے انکا ضمنی انتخاب کے چند گھنٹے بعد جاری ہونا نہایت حیرت انگیز ہے،پی ٹی ..

منگل 23 اپریل 2024 - 21:58