ایران کیساتھ مذاکرات کیے جائیں گے یا نہیں، سعودی عرب نے فیصلہ سنا دیا

ایرا ن کے حکمرنوں پر اعتماد نہیں، مذاکرات ناممکن ہیں، خطے میں مداخلت کے ٹھوس ثبوت دیئے جائیں تو ایران مکر جاتا ہے اورالتا الزام دیتاہے،امریکہ میں سعودی سفیر کی گفتگو

ہفتہ اپریل 13:33

واشنگٹن(اُردو پوائنٹ اخبار آن لائن۔ ہفتہ اپریل ء)امریکا میں متعین سعودی عرب کے سفیر شہزادہ خالد بن سلمان نے کہا ہے کہ ایرانی رجیم بین الاقوامی قوانین کی پامالیوں کی مرتکب ہے لہٰذا اس اس کے ساتھ اعتماد سازی کے اقدامات اور مذاکرات بہت مشکل ہیں۔

(جاری ہے)

جرمن ریڈیو کے مطابق ٹوئٹر پر پوسٹ کردہ ایک بیان میں شہزادہ خالد بن سلمان نے لکھا کہ جب ایران کے سامنے خطے میں اس کی کھلے عام مداخلت کے ثبوت پیش کیے جاتے ہیں تو وہ ان کا انکار کر دیتا ہے اور یہ دعویٰ کرتا ہے کہ یہ ثبوت جعلی ہیں۔

ان کا کہنا تھا کہ ایران جب تک بین الاقوامی قوانین کی پامالیوں کا سلسلہ بند کر کے خطے میں مداخلت سے باز نہیں آتا اس پر اعتماد کیا جا سکتا ہے اور نہ ہی مذاکرات ہو سکتے ہیں۔

Your Thoughts and Comments