بھارت میں کھلے عام رفع حاجت کرنے والوں کیلئے سخت سزا کا اعلان

اتوار 29 اپریل 2018 11:20

نئی دہلی ۔ (اُردو پوائنٹ اخبار آن لائن۔ اتوار 29 اپریل 2018ء) منی سپر پاور ہونے کا دروغ گو دعویدار بھارت ابھی تک خود کو حفظان صحت کے اصولوں سے ہم آہنگ ہی نہیں کر پارہا ہے ۔

(جاری ہے)

بھارتی ذرائع ابلاغ کے مطابق اس سلسلے میں پانڈیچری کی لیفٹننٹ گورنرکرن بیدی نے گندگی پھیلانیوالوں کو خبردار کیا ہے کہ اگرگائوں میں کھلے عام رفع حاجت کی گئی یاکوڑاکرکٹ پھیلایاگیاتواس علاقے میں مفت میں ملنے والاچاول نہیں دیاجائیگا۔

انڈین پولس سروس کی پہلی خاتون افسر بیدی نے کہاکہ مفت چاول کی تقسیم اسی وقت ہوگی جب لوگ سرعام رفع حاجت نہیں کریں گے۔انہوں نے کہاکہ جوگائوں سرعام رفع حاجت سے پاک ہوگئے ہیں اورسر عام کوڑاکرکٹ نہیں پھینکاجارہاہے۔ان علاقوں میں مقامی ایم ایل ایاورسپلائی محکمہ کے افسرکے سرٹیفکیٹ کے بعدہی مفت میں چاول تقسیم کیاجائیگا۔پانڈیچری میں یہ نیاحکم نامہ جون سے نافذ ہوگا۔