مخدوم جاوید ہاشمی کا این اے 155اوراین اے 158 ملتان سے الیکشن لڑنے کا اعلان

نیب کا مقصد مسلم لیگ ن کو ختم کرکے نئی پارٹی بنانا ہے، زرداری کی سیاست سمجھنے کیلئے پی ایچ ڈی ضروری ہے،جاوید ہاشمی جنوبی پنجاب کے مسائل کا حل ایڈمنسٹریشن یونٹ نہیں،الگ صوبہ ہے،ملک کا واحد سیاستدان ہوں جسی5 سال جیل میں رکھنے کے بعد نیب نے مسٹر کلین کا لقب دیا،سینئرسیاستدان مخدوم جاوید ہاشمی کی ملتان پریس کلب میں کانفرنس

جمعرات 3 مئی 2018 17:42

ملتان(اُردو پوائنٹ اخبار آن لائن۔ جمعرات 3 مئی 2018ء)سینئرسیاستدان مخدوم جاوید ہاشمی نے کہا ہے کہ نیب ایک فراڈ اور ڈرامہ نام کا ادارہ ہے جس کا مقصد مسلم لیگ ن کو ختم کرکے نئی پارٹی بنانا ہے، آصف زرداری کی سیاست سمجھنے کے لیے پی ایچ ڈی ضروری ہے۔جنوبی پنجاب کے مسائل کا حل ایڈمنسٹریشن یونٹ نہیں، صرف الگ صوبہ ہے۔

ملک کا واحد سیاستدان ہوں جسی5 سال جیل میں رکھنے کے بعد نیب نے مسٹر کلین کا لقب دیا۔ملتان کے حلقہ این اے 155اوراین اے 158سے الیکشن لڑوں گا،نوازشریف کے ملتان جلسے کی دعوت دی گئی تو ضرورشریک ہوں گا۔ملتان پریس کلب میں پریس کانفرنس کرتے ہوئے جاوید ہاشمی نے کہا کہ نیب ایک فراڈ اور ڈرامہ نام کا ادارہ ہے جس کے قوانین بھی ڈرامہ ہیں۔

(جاری ہے)

نیب کی کارکردگی پر سپریم کورٹ بھی بارہا ریمارکس دے چکی ہے۔

آمریت میں نیب فعال ہوجاتا ہے۔مشرف اقتدار کے خلاف نیب میں ایک بھی کیس نہیں بنا۔نیب کے مطابق مشرف دور پاک صاف تھا ایک روپے کی کرپشن بھی نہ ہوئی۔انہوں نے کہا کہ نیب کے 70 فیصد سٹاف ریٹائرڈ ملازمین ہیں۔نیب کی کاروائیاں یکطرفہ ہیں جس کا مقصد مسلم لیگ ن کو ختم کرکے نئی پارٹی بنانا ہے۔انہوں نے دعوی کیا کہ وہ ملک کے واحدسیاستدان ہیں جنہیں نیب نے مسٹرکلین کا لقب دیا۔

انہوں نے کہا کہ ملک میں احتساب کا نظام مصنوعی ہے۔ چیف جسٹس سے درخواست کرتا ہوں عدلیہ میں موجود لوگوں کا بھی آڈٹ کروائیں۔جاوید ہاشمی نے کہا کہ جنوبی پنجاب کے مسائل کا حل صرف الگ صوبہ ہے۔صوبہ بنانے کے لیے غلامی سے نکلنا ہوگا۔ ایڈمنسٹریشن یونٹ نہیں ہمیں الگ صوبہ چاہیے۔الگ صوبہ کے قیام کیلئے ہرفورم پرآوازاٹھائوں گا۔انہوں نے کہا کہ تحریک انصاف کی جانب سے میرے اوپر الزامات کا سلسلہ ابھی تک جاری ہے،میرے خلاف پی ٹی آئی کے ٹکٹ تقسیم کرنے کا پراپریگنڈا غلط ہے ۔

عمران خان نے انتخابات میں میرے کہنے پر ایک ٹکٹ بھی جاری نہیں کیا تھا ۔انہوں نے کہا کہ نوازشریف آج میری باتیں ہی دہرارہے ہیں۔عام انتخابات ملتوی نہیں کئے جا سکیں گے۔جاوید ہاشمی نے کہا کہ وہ ملتان میں قومی اسمبلی کے دوحلقوں این اے 155اوراین اے 158سے الیکشن میں حصہ لیں گے۔میاں نوازشریف بھی مجھے سیٹ کی آفر کرچکے ہیں۔انہوں نے کہا کہ آصف زرداری کی سیاست سمجھنے کے لیے پی۔ایچ۔ڈی ضروری ہے۔ آصف زرداری نے امین فہیم کو ہٹانے کے لیے نوازشریف سے مدد مانگی۔

Facebook Twitter Google + Share on Whatsapp

مزید متعلقہ خبریں پڑھئیے‎ :

ہم نئی جماعت نہیں لا رہے،بس ملک کو ایک نئی سوچ کی ضرورت ہے

بدھ 24 اپریل 2024 - 00:08

اگر انتخابی نظام اور نئے الیکشن کی بات ہوتی ہے توسب بات کریں گے

بدھ 24 اپریل 2024 - 23:14

میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں

بدھ 24 اپریل 2024 - 22:35

آصف علی زرداری سے آسٹریلیا کے ہائی کمشنر نیل ہاکنز کی ملاقات

بدھ 24 اپریل 2024 - 22:27

صدر مملکت آصف علی زرداری سے چائنہ انٹرنیشنل ڈویلپمنٹ کوآپریشن ایجنسی کے چیئرمین لوئو چائو ہوئی کی قیادت میں وفد کی ملاقات، پاکستان اور چین کے درمیان ..

بدھ 24 اپریل 2024 - 21:07