چیف جسٹس نے سانحہ آرمی پبلک پر جوڈیشل کمیشن بنانے کا حکم دے دیا

بدھ 9 مئی 2018 23:36

پشاور(اُردو پوائنٹ اخبار آن لائن۔ بدھ 9 مئی 2018ء)چیف جسٹس آف پاکستان جسٹس ثاقب نثار نے سانحہ آرمی پبلک اسکول کے حوالے سے جوڈیشل کمیشن بنانے کا حکم دے دیا۔ بدھ کو سپریم کورٹ پشاور رجسٹری میں سانحہ آرمی پبلک اسکول کیس کی سماعت ہوئی جس میں چیف جسٹس ثاقب نثار نے جوڈیشل کمیشن بنانے کا حکم دیا۔چیف جسٹس میاں ثاقب نثار نے حکم دیا کہ 2 ماہ کے اندر واقعے کے حوالے سے رپورٹ پیش کی جائے۔

(جاری ہے)

یاد رہے کہ 16 دسمبر 2014 کو پشاور کے آرمی پبلک اسکول پر دہشت گردوں کے حملے میں 130 سے زائد طلباء سمیت 144 افراد شہید ہوئے گئے تھے ،ْیہ پاکستان کی تاریخ کے بدترین دہشت گرد حملوں میں سے ایک تھا ،ْرواں برس 8 فروری کو پشاور ہائی کورٹ نے بھی سانحہ آرمی پبلک اسکول کی پولیس رپورٹ کو عام کرنے کا حکم دیا تھا۔سانحہ آرمی پبلک کے خلاف شہداء فورم نے پشاور ہائی کورٹ میں درخواست دائر کی تھی جس میں جوڈیشل کمیشن بنانے اور تحقیقاتی رپورٹ عام کرنے کی درخواست کی گئی تھی تاہم چیف جسٹس پشاور ہائیکورٹ نے کہا تھا کہ جوڈیشل کمیشن بنانا ہائیکورٹ کا اختیار نہیں بلکہ صوبائی حکومت کا اختیار ہے۔