بورے والا میں نابالغ جوڑے کی شادی پر پولیس کا چھاپہ ‘ دلہن والد، نکاح خواں سمیت 10 افراد گرفتار

12 سالہ آسیہ بی بی کا نکاح 4ماہ قبل وہاڑی کے 14سالہ محمد رمضان سے ہوا تھا ‘رخصتی پر پولیس نے کارروائی کی

جمعہ مئی 18:05

وہاڑی(اُردو پوائنٹ اخبار آن لائن۔ جمعہ مئی ء) وہاڑی ک نواحی گائوں 299ای بی میں نابالغ لڑکے، لڑکی کی شادی پولیس نے ناکام بنادی۔ پولیس نے چھاپہ مار کر بارہ سالہ دلہن، والد اور نکاح خواں سمیت دس افراد کو پکڑ لیا۔ آسیہ بی بی کا نکاح چار ماہ قبل وہاڑی کے چودہ سالہ محمد رمضان سے ہوا تھا ‘رخصتی ہونے ہی والی تھی کی پولیس نے رنگ میں بھنگ ڈال دیا۔

(جاری ہے)

تفصیلات کے مطابق تھانہ صدر پولیس کو اطلاع ملی کہ محمد نعیم سکنہ 299ای بی نے اپنی نابالغ 12 سالہ بیٹی آسیہ بی بی کی رخصتی کی تقریب منعقد کر رکھی ہے آسیہ بی بی کا نکاح چار ماہ قبل نکاح خواں محمد احمد یار سکنہ 299 ای بی نے وہاڑی کے نابالغ چودہ سالہ محمد رمضان سے پڑھایا تھا، تھانہ صدر پولیس نے چھاپہ مار کر نابالغ دلہن آسیہ بی بی اس کے والد سمیت دس افراد کو حراست میں لے لیا۔

متعلقہ عنوان :

Your Thoughts and Comments