واپس اپنے ملک روس جانا چاہوں گی،جولیا اسکرپل

جمعرات 24 مئی 2018 20:13

لندن(اُردو پوائنٹ اخبار آن لائن۔ جمعرات 24 مئی 2018ء)سابق روسی ڈبل ایجنٹ سیرگئی اسکرپل کی بیٹیجولیا اسکرپل نے کہا ہے کہ وہ واپس اپنے ملک روس جانا چاہوں گی،غیر ملکی میڈیا رپورٹس کے مطابق سابق روسی ڈبل ایجنٹ سیرگئی اسکرپل کے ساتھ کیمیائی حملے کا نشانہ بننے والی ان کی بیٹی جولیا اسکرپل نے کہا ہے کہ وہ دونوں خوش قسمت ہیں کہ اس حملے میں بچ گئے۔

(جاری ہے)

حملے کے بعد میڈیا کے سامنے پہلی بار آنے والی 33 سالہ جولیا اسکرپل نے کہا کہ وہ مکمل طور پر صحتیاب ہونے کے بعد واپس اپنے آبائی ملک روس جانا چاہیں گی۔ انہوں نے خبر رساں ادارے روئٹرز کے ساتھ یہ بات چیت کسی نا معلوم مقام سے روسی زبان میں کی۔ وہ برطانوی پولیس کی حفاظت میں ہیں۔