دنیا کے گرد چکر لگانے والا نو مسلم چینی سعودی عرب پہنچ گیا

سفر سے قبل چینی شخص مسلمان نہیں تھا لیکن دوران سفر اس نیاسلام قبول کیا

ہفتہ 26 مئی 2018 16:30

ریاض(اُردو پوائنٹ اخبار آن لائن۔ ہفتہ 26 مئی 2018ء)عبداللہ نامی چینی سیاح 106ممالک کا سفر طے کرکے سعودی عرب پہنچ گیا،سفر سے قبل چینی شخص مسلمان نہیں تھا لیکن دوران سفر اس نیاسلام قبول کیا۔عرب ٹی وی کے مطابق نومسلم چینی سیاح عبداللہ شان کا کہنا تھا کہ 2003میں دنیا کے گرد اپنے سفر کا آغاز کیا تھا کہ لیکن بد قسمتی سے برطانیہ میں ایک حادثے کا شکار ہو گیا اور واپس چین چلا گیا لیکن اپنے عزم کو عملی جامہ پہنانے کے لئے سفر کا پھر سے آغاز کیا ۔

گزشتہ سال2017 میں دبئی میں ایک چینی شخص نیاسلام کی دعوت دی جس پر اسلام قبول کیا اور اسلام قبول کرنے کے بعدکعبہ پر حاضری کا ارادہ کیا اورا س کو عملی جامہ پہنانے کے لئے سفر پر نکل پڑا۔دنیا کے گرد چکر لگانے کے دوران 106 ممالک کا سفر کیا اور عمرہ کی ادائیگی کیلئے ارض مقدس پہنچ گیا ،56سالہ نو مسلم چینی سیاح عبد اللہ کی روتے ہو ئے بتایا کہ کعبہ کے دیدار کے وقت آنکھوں میں آنسو آگئے تھے میں نے دنیا میں کہیں اتنا سکون محسوس نہیں کیا جتنا کہ مسجد الحرام میں مجھے محسوس ہوا۔

(جاری ہے)

عمرے کی سعادت حاصل کرنے کے بعد عبداللہ شان نے اس خواہش کا اظہار کیا ہے کہ وہ اب جلد از جلد روضہ رسول پر حاضری کو یقینی بنانا چاہتا ہے نومسلم چینی عبداللہ شان نے اپنے پیغام میں کہا ہے کہ اسلام امن و سلامتی کا مذہب ہے جو امن اوع سلامتی کا علمبردار ہے ۔