وزیراعظم شاہد خاقان عباسی نی5 سالہ اقتصادی کارکردگی کی رپورٹ پیش کردی

سالہ دور اقتدارمیں ووٹ کو عزت دی ہے ، یہی ہمارا انتخابی نعرہ ہوگا ۔ نیب نے حکومت کو مفلوج کر دیا ہے اس طرح حکومتیں نہیں چل سکتیں ، سول و عسکری تعلقات بہتر ہیں تاہم اس طرح کے معاملات پرایک قومی ڈائیلاگ ہونا ضروری ہے، وزیراعظم

پیر 28 مئی 2018 22:25

اسلام آباد (اُردو پوائنٹ اخبار آن لائن۔ پیر 28 مئی 2018ء)وزیراعظم شاہد خاقان عباسی نی5 سالہ اقتصادی کارکردگی کی رپورٹ پیش کردی ۔ انہوں نے کہا کہ 5 سالہ دور اقتدارمیں ووٹ کو عزت دی ہے ، یہی ہمارا انتخابی نعرہ ہوگا ۔ نیب نے حکومت کو مفلوج کر دیا ہے اس طرح حکومتیں نہیں چل سکتیں ، سول و عسکری تعلقات بہتر ہیں تاہم اس طرح کے معاملات پرایک قومی ڈائیلاگ ہونا ضروری ہے ۔

گزشتہ روز وزیراعظم شاہد خاقان عباسی نے 5سالہ معاشی اہداف اور کامیابیوں سے آگاہ کرتے ہوئے کہا کہ 2013ء میں صنعتی ترقی اعشاریہ 75 فیصد تھی جبکہ2018 میں 5 فیصد سے بڑھ چکی ہے ، زراعت کے شعبے میں بڑھوتری کی شرح 3.8فیصد ہے ، خدمات کے شعبے میں گروتھ 1.3فیصد تھی جو 2018میں 6.4فیصد ہے ،2013میں چاول کی پیداوار 5.4ملین ٹن تھی اور اب 7.44ملین ٹن ہے ۔

(جاری ہے)

انہوں نے کہا کہ کپاس کی پیداوار میں ماضی کی نسبت کمی آئی ہے 2013مہنگائی بڑھنے کی شرح 7.75فیصد تھی جبکہ رواں سال مہنگائی بڑھنے کی شرح 3.77فیصد ہے جس کا مطلب ہے کہ مہنگائی بڑھنے کی شرح میں نمایاں کمی آئی ہے ۔

ترسیلات زر میں 40فیصد سے زائد اضافہ ہو ا ہے ،2013میں غیر ملکی زد مبادلہ کے ذخائر 11.26ڈالر تھے جو کہ رواں سال 16.23ارب ڈالر پر آئے ہیں ،نجی سرمایہ کاری 2.2سے بڑھ کر 3.7ٹریلین ڈالر پر آئی ، 2013میں فی کس آمدن 1234ڈالر تھی اب بڑھ کر 1641ڈالر پر آگئی ہے مخصولات کی وصولی میں 6.5فیصد اضافہ ہوا جبکہ شرح سود 9فیصد سے کم ہو کر 6.5فیصد پر آچکی ہے ۔وزیراعظم شاہد خاقان عباسی نے مزید کہا کہ انتخابات اپنے وقت پر ہوں گے ، فاٹا کا پراسس چل پڑا ہے جو اپنے وقت پر بتدریج مکمل ہوگا