سعودی عرب ہل کر رہ گیا، فوجی مرکز پر بڑا حملہ

سعودی عرب میں فوجی مرکز پر دو مسلح افراد کے حملے میں ایک ٹریفک سارجنٹ جاں بحق فائرنگ کے تبادلے میں ایک حملہ آور زخمی حالت میں گرفتار ،دوسرا فرار ہوگیا، وزارت داخلہ تفصیلات بتانے سے گریزاں

جمعرات 31 مئی 2018 12:25

طائف (اُردو پوائنٹ اخبار آن لائن۔ جمعرات 31 مئی 2018ء) سعودی عرب ہل کر رہ گیا، فوجی مرکز پر بڑا حملہ۔ عرب ذرائع ابلاغ سے موصول ہونے والی تفصیلات کے مطابق سعودی عرب کے شہر طائف میں واقع فوجی مرکز پر دو مسلح افراد نے حملہ کر دیا۔ حملے کے نتیجے میں ایک ٹریفک پولیس اہلکار ہلاک ہوگیا جبکہ کئی سیکیورٹی فورسز کے اہل کار واقعے میں زخمی ہوئے ۔

(جاری ہے)

جبکہ جوابی کاروائی کے بعد فائرنگ کے تبادلے میں ایک حملہ آور کو زخمی حالت میں گرفتار بھی کر لیا گیا، جبکہ دوسرا فرار ہوگیا۔ عرب ٹی وی کے مطابق سعودی عرب کے شہر طائف میں واقع فوجی مرکز پر دو مسلح افراد نے حملہ کر دیا۔ حملے کے نتیجے میں ایک ٹریفک پولیس اہلکار ہلاک ہوگیا جبکہ کئی سیکیورٹی فورسز کے اہل کار واقعے میں زخمی ہوئے ۔ فائرنگ کے تبادلے میں ایک حملہ آور کو زخمی حالت میں گرفتار بھی کر لیا گیا، جبکہ دوسرا فرار ہوگیا۔ حملہ آوروں نے حملے کیلیے ٹریفک اہل کار کو قتل کرکے اس کی کار اور اسلحہ چھینا۔مکہ مکرمہ کے مشرق میں واقع شہر طائف میں پیش آنے والے واقعے کے متعلق سعودی وزارت داخلہ فوری طور پر کچھ بتانے سے گریزاں ہے۔