اصغر خان عملدرآمد کیس،نواز شریف ،جاوید ہاشمی سمیت21 سویلین کو نوٹس جاری

ہفتہ 2 جون 2018 21:36

لاہور (اُردو پوائنٹ اخبار آن لائن۔ ہفتہ 2 جون 2018ء) چیف جسٹس پاکستان مسٹر جسٹس میاں ثاقب نثار کی سربراہی میں قائم دو رکنی بنچ نے اصغر خان عملدرآمد میں اٹارنی جنرل اشتر اوصاف نے کابینہ کے فیصلے سے متعلق رپورٹ عدالت میں پیش کر دی جبکہ فاضل عدالت نے پیسے وصول کرنے والے نواز شریف، جاوید ہاشمی 21 سویلین کو نوٹس جاری کر دیئے۔

عدالت نے کیس سے متعلقہ آرمی افسران کو بھی نوٹس جاری کر دیئے۔

(جاری ہے)

علاوہ ازیں عدالت نے ڈی جی نیب اور ایف آئی اے کو بھی نوٹس جاری کر دیئے، دوران سماعت اٹارنی جنرل پاکستان نے بتایا کہ عدالتی فیصلے پر عملدرآمد کا فیصلہ کیا ہے۔ کابینہ نے عدالتی فیصلے پر عملدرآمد کا فیصلہ کیا ہے اور ایف آئی اے کو تفتیش جاری رکھنے کی ہدایت کی ہے۔ جس پر فاضل چیف جسٹس نے استفسار کیا کہ پیسے وصول کرنے والوں سے رقم کی واپسی کا کیا طریقہ کار اپنایا گیا عدالت نے اٹارنی جنرل کی درخواست پر کابینہ کے اجلاس کی رپورٹ عدالتی عملے کو دوبارہ سیل کرنے کا حکم دیدیا عدالت نے کیس کی مزید سماعت 6 جون تک ملتوی کر دی۔