پی آئی اے کی سابق مشیر ہوابازی سردار مہتاب احمد خان کو الوداعی تقریب میں رولیکس گھڑی تحفے میں دینے کی تردید

پی آئی اے جو کہ پہلے ہی مالی مشکلات کا شکار ہے اس طرح کی مہنگی گھڑیاں اور قیمتی تحائف عوام کے ٹیکس کے پیسے سے کسی کو دینے کا سوچ بھی نہیں سکتی، ترجمان

اتوار 3 جون 2018 18:20

کراچی (اُردو پوائنٹ اخبار آن لائن۔ اتوار 3 جون 2018ء) پی آئی اے کے ترجمان نے بعض میڈیا پر نشر ہونے والی ا س خبر کی تردید کی ہے کہ سابق مشیر ہوابازی سردار مہتاب احمد خان کو ان کی الوداعی تقریب میں رولیکس گھڑی تحفے میں دی گئی ۔ ترجمان نے کہا کہیہ خبر مکمل طور پر غلط ہے ۔ پی آئی اے جو کہ پہلے ہی مالی مشکلات کا شکار ہے وہ اس طرح کی مہنگی گھڑیاں اور قیمتی تحائف عوام کے ٹیکس کے پیسے سے کسی کو دینے کا سوچ بھی نہیں سکتی۔

ترجمان نے مزید بتایا کہ الوداعی تقریب کا انعقاد ایک معروف اور معززکلب میں کیا گیا نا کہ کسی فائیو سٹار ہوٹل میں جس کا خبر میں تذکرہ کیا گیا ہے۔ ترجمان نے بتایا کہ مشیر ہوابازی کو دو تحفے دیئے گئے جن میں سے ایک پلاسٹک سے بنی طیارے کی دم کی تشبیہ اور انجینئرنگ کی جانب سے بوئنگ737 کے خراب انجن کے بلیڈ سے بنایا گیا ایک سوونینئر بھی شامل ہے اس کے علاوہ ان کو تقریب کی ویڈیو بھی دی گئی جو کہ پی آئی اے نے خود اپنے ذرائع سے بغیر کسی خرچ کے بنائی۔

(جاری ہے)

باقی تمام باتیں رپورٹر کا تخیل اور من گھڑت ہیں ۔ اس طرح کی من گھڑت خبریں پی آئی اے کی از سر نو بحالی کی کوششوں کے سلسلے میں ریونیو حاصل کرنے کے ٹارگٹ کو شدید نقصان پہنچاتی ہیںاوراس ضمن میں مذکورہ چینل نے تصدیق کی زحمت بھی نہیں کی ۔

Facebook Twitter Google + Share on Whatsapp

مزید متعلقہ خبریں پڑھئیے‎ :

ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے

بدھ 24 اپریل 2024 - 00:12

نکاح نامے کے کالموں کو نامکمل چھوڑنے اور شک کی صورت میں اس کافائدہ بیوی کوپہنچے گا،سپریم کورٹ

بدھ 24 اپریل 2024 - 21:43

مختلف علاقوں میں زلزلے کے شدید جھٹکے

بدھ 24 اپریل 2024 - 21:15

صدر مملکت آصف علی زرداری سے چائنہ انٹرنیشنل ڈویلپمنٹ کوآپریشن ایجنسی کے چیئرمین لوئو چائو ہوئی کی قیادت میں وفد کی ملاقات، پاکستان اور چین کے درمیان ..

بدھ 24 اپریل 2024 - 21:07