سعودی عرب،36 ممالک کے حجاج کی امیگریشن اپنے وطن میں

ہفتہ 2 جون 2018 14:04

جدہ۔ (اُردو پوائنٹ اخبار آن لائن۔ ہفتہ 2 جون 2018ء) سعودی عرب کے محکمہ پاسپورٹ کے ڈائریکٹر جنرل میجر جنرل سلیمان الیحییٰ نے واضح کیا ہے کہ امسال 36ممالک کے حجاج کی امیگریشن کارروائی خود ان کے اپنے ملک میں انجام دی جائے گی۔سعودی اخبار کے مطابق الیحییٰ نے توجہ دلائی کہ امسال عمرہ موسم کے آغاز سے لے کر 31مئی تک 63لاکھ سے زیادہ معتمر ارض مقدس آچکے ہیں۔

(جاری ہے)

انہوں نے بتایا کہ سعودی سفارتخانوں نے 36ممالک کے حاجیوں کی امیگریشن کارروائی خود ان کے اپنے ملک میں نمٹانے کا اہتمام کیاہے۔آئندہ کوئی بھی حاجی سعودی عرب پہنچے گا تو اسے اپنے وطن سے روانہ ہونے سے قبل ہی اپنی رہائش ، اور خیمے کا نمبر معلوم ہوگا۔ اس نظام کی بدولت آئندہ کسی بھی حاجی یا معتمر کو ارض مقدس سے واپس نہیں بھیجا جائیگا۔انہوں نے بتایا کہ 28خواتین اہلکار عمرے پر آنیوا لے خواتین کی کارروائی کیلئے تعینات کی گئی ہیں۔