چیئرمین نیب جسٹس جاوید اقبال کی زیر صدارت نیب ہیڈ کوارٹرز میں اہم اجلاس

نیب ہیڈ کوارٹرز ،تمام ریجنل بیوروز میں سرکاری ریکارڈ کی حفاظت ، افسران و اہلکاروں کی سیکیورٹی پالیسی کے تحت سیکیورٹی اقدامات کا جائزہ لیا گیا نیب کا انٹیلی جنس اینڈ ویجی لینس سیل ہیڈ کوارٹرز اور علاقائی دفاتر میں سرکاری ریکارڈ کی حفاظت کو ہر صورت یقینی بنائیں،چیئرمین کی ہدایت

پیر 4 جون 2018 22:33

اسلام آباد (اُردو پوائنٹ اخبار آن لائن۔ پیر 4 جون 2018ء)چیئرمین نیب جسٹس جاوید اقبال کی زیر صدارت نیب ہیڈ کوارٹرز میں ایک اجلاس منعقد ہوا۔ اجلاس میں نیب ہیڈکوارٹرز اور نیب کے تمام ریجنل بیوروز میں سرکاری ریکارڈ کی حفاظت ، افسران اور اہلکاروں کی سیکیورٹی پالیسی کے تحت سیکیورٹی اقدامات کا جائزہ لیا گیا۔چیئرمین نیب نے نیب کے انٹیلی جنس اینڈ ویجی لینس سیل کو ہدایت کی کہ نیب ہیڈ کوارٹرز اور نیب کے تمام علاقائی دفاتر میں سرکاری ریکارڈ کی حفاظت کو ہر صورت یقینی بنایا جائے اور اہم ، حساس دستاویزات کی سیکریسی کو نہ صرف یقینی بنایا جائے بلکہ نیب ہیڈ کوارٹرز اور نیب کے تمام ریجنل بیوروز میں سرکاری ریکارڈ کی حفاظت کے لئے نیب کا سرکاری ریکارڈ خصوصاً اہم مقدمات کا ریکارڈ کسی بھی صورت میں غیر متعلقہ افراد کے ہاتھوں میں نہیں پہنچنا چاہئے۔

(جاری ہے)

انہوں نے کہا کہ نیب کے افسران اہلکاروں اور درخواست دہندگان کی سیکیورٹی اور حفاظت کو یقینی بنایا جائے اور اس کا خاص خیال رکھا جائے کہ نیب کا سرکاری ریکارڈ صرف اور صرف سرکاری مقصد کے لئے نیب کے ہیڈ کوارٹرز اور تمام ریجنل بیوروز کی عمارت سے باہر جائے اور غیر متعلقہ نیب کے افراد اور غیر متعلقہ پرائیویٹ افراد کے ہاتھوں میں کسی صورت نہیں جانا چاہئے۔

انہوں نے ہدایت کی کہ نیب کی تمام فائلوں اور مقدمات کا مناسب انداراج کرتے ہوئے ڈائری نمبر ، تاریخ اور وقت کا اندراج متعلقہ رجسٹر میں یقینی بنایا جائے۔ انہوں نے نیب ہیڈکوارٹرز اور نیب کے تمام ریجنل بیوروز کے افسران اہلکاروں کی سیکورٹی ، سیکورٹی پالیسی کے تحت یقینی بنائی جائے۔ سیکیورٹی ہدایت کی مبینہ خلاف ورزی کرنے والے ایک افسر کے خلاف پہلے ہی انکوائری جاری ہے۔