آرمی چیف جنرل قمر جاوید باجوہ سے آسٹریلوی افواج کے سربراہ کی ملاقات، دفاع، مجموعی علاقائی سیکیورٹی صورتحال پر تبادلہ خیال

آسٹریلوی افواج کے سربراہ نے خطے کے استحکام اور دہشت گردی کیخلاف پاک فوج کی کوششوں اور قربانیوں کو سراہا، آئی ایس پی آر

منگل 5 جون 2018 20:55

راولپنڈی (اُردو پوائنٹ اخبار آن لائن۔ منگل 5 جون 2018ء) چیف آف آرمی سٹاف جنرل قمر جاوید باجوہ سے آسٹریلوی افواج کے سربراہ نے ملاقات کی ، ملاقات میں دفاع، مجموعی علاقائی سیکیورٹی صورتحال پر تبادلہ خیال کیا گیا۔

(جاری ہے)

آئی ایس پی آر کے مطابق منگل کو آسٹریلوی افواج کے سربراہ نے جی ایچ کیو کا دورہ کیا جہاں انہوں نے چیف آف آرمی سٹاف جنرل قمر جاوید باجوہ سے ملاقات کی جس میں دفاع اور مجموعی علاقائی سیکیورٹی صورتحال سمیت باہمی دلچسپی کے امور پر پر تبادلہ خیال کیا گیا ۔

آسٹریلوی افواج کے سربراہ نے خطے کے استحکام اور دہشت گردی کیخلاف پاک فوج کی کوششوں اور قربانیوں کو سراہا ۔آسٹریلوی افواج کے سربراہ نے جی ایچ کیومیں یادگار شہدا پرپھول چڑھائے۔پاک فوج کے دستے نے آسٹریلوی افواج کے سربراہ کو گارڈ آف آنر بھی پیش کیا۔