چیئرمین نیب کو عہدے سے ہٹانے کی سپریم کورٹ میں درخواست خارج

درخواست لیگی رہنما ملک نور اعوان نے دائر کی تھی

جمعرات 7 جون 2018 23:07

اسلام آباد(اُردو پوائنٹ اخبار آن لائن۔ جمعرات 7 جون 2018ء)چیئرمین نیب کو عہدے سے ہٹانے کی درخواست خارج کردی گئی،در خواست مسلم لیگ(ن)کے رہنما ملک نور اعوان نے سپریم کورٹ میں دائر کی تھی۔

(جاری ہے)

جمعرات کو چیف جسٹس آف پاکستان جسٹس میاں ثاقب نثار نے لیگی رہنما ملک نوراعوان کی درخواست پراپنے چیمبر میں سماعت کی،سپریم کورٹ نے رجسٹرارآفس کے تما اعتراضات کو برقرار رکھتے ہوئے درخواست خارج کردی۔

رجسٹرار آفس نے درخواست گزار کو متعلقہ فورم سے رجوع کرنے کی ہدایت کی تھی۔(ن) لیگ کے رہنما ملک نور اعوان نے نواز شریف کیخلاف منی لانڈرنگ کے مبینہ الزام پر چیئر مین نیب کیخلاف درخواست دائر کی تھی۔واضح رہے کہ چیئرمین نیب نے 4 اعشاریہ 9 ارب ڈالرز کی بھارت منتقلی کی تحقیقات کا حکم دیتے ہو ئے اسے منی لانڈرنگ قرار دیا تھا اور اس کا الزام سابق وزیر اعظم پر عائد کی تھی۔