تحریک انصاف نے مزید پارٹی ٹکٹس جاری کر دیئے

ٹکٹ حاصل کرنے والوں میں سیالکوٹ سے فردوس عاشق اعوان ، کوہاٹ سے شہریار آفریدی ، دیر سے حمیدہ شاہداور شانگلہ سے شوکت یوسفزئی انتخابات میں حصہ لیں گے

ہفتہ 9 جون 2018 18:48

اسلام آباد(اُردو پوائنٹ اخبار آن لائن۔ ہفتہ 9 جون 2018ء)پاکستان تحریک انصاف نے مزید پارٹی ٹکٹس جاری کر دیئے ، ٹکٹ حاصل کرنے والوں میں سیالکوٹ سے فردوس عاشق اعوان ، کوہاٹ سے شہریار آفریدی ، شانگلہ سے شوکت یوسفزئی جبکہ حمیدہ شاہد دیر سے انتخابات میں حصہ لیں گی ۔ ہفتہ کو نجی ٹی وی کے مطابق تحریک انصاف کے مرکزی پارلیمانی بورڈ نے مزید پارٹی ٹکٹس جاری کردیے ہیں ۔

(جاری ہے)

این اے 72سیالکوٹ سے فردوس عاشق اعوان کو ٹکٹ جاری کیا گیا ہے جبکہ شہریار آفریدی ،شوکت یوسفزئی اور حمیدہ شاہد کو بھی ٹکٹ دینے کا فیصلہ کیا گیا۔ شہریار آفریدی کوہاٹ سے قومی اسمبلی کا انتخات لڑیں گے ۔ شوکت یوسفزئی شانگلہ سے صوبائی اسمبلی کی نشست پر میدان میں اتریں گے جبکہ حمیدہ شاہد دیر سے صوبائی اسمبلی کا انتخاب لڑیں گے ۔ پی ٹی آئی کی اپر دیر میں خواتین کو ووٹ ڈالنے کی اجازت نہیں دی جاتی تھی اس لئے حلقہ سے کسی مرد امیدوار کی بجائے خاتون کو ٹکٹ دیا گیا ہے ۔