(ن) لیگ کے تمام سابق وزراء اور عہدیداروں نے سرکاری گاڑیاں اور سکیورٹی کا عملہ واپس کردیا

سب سے پہلے سرکاری گاڑی سردار مہتاب عباسی نے واپس کی‘ وزراء کی طرف سے واپس کی جانے والی گاڑیوں میں بلٹ پروف اور لگژری گاڑیاں شامل

اتوار جون 13:50

اسلام آباد (اُردو پوائنٹ اخبار آن لائن۔ اتوار جون ء) مسلم لیگ (ن) کی 31مئی کو مدت پوری کرکے ختم ہونے والی حکومت کے تمام سابق وزراء اور عہدیداروں نے سرکاری گاڑیاں اور سکیورٹی کا عملہ واپس کردیا ہے‘ سب سے پہلے سرکاری گاڑی مشیر ہوابازی سردار مہتاب عباسی نے واپس کی‘ وزراء کی طرف سے واپس کی جانے والی گاڑیوں میں بلٹ پروف اور لگژری گاڑیاں شامل ہیں۔

(جاری ہے)

ذرائع کے مطابق 31مئی کو حکومت کی مدت پوری ہوتے ہی کابینہ ڈویژن کو سابق وفاقی وزراء ‘ وزراء مملکت اور حکومتی مشیروں نے گاڑیاں واپس کرنے کا سلسلہ شروع کیا۔ سب سے پہلے مشیر ہوابازی سردار مہتاب عباسی نے گاڑی واپس کی جبکہ سابق وزیر داخلہ احسن اقبال وزارت داخلہ کی بلٹ پروف گاڑی استعمال کررہے تھے جو انہوں نے 31مئی کو ہی وزارت داخلہ کو واپس کردی۔ کابینہ ڈویژن کو موصول ہونے والی گاڑیوں میں اٹھارہ سو سی سی کاروں سمیت پانچ ہزار سی سی تک گاڑیاں شامل ہیں۔ دوسری طرف سکیورٹی کے لئے جو گاڑیاں سابق حکومتی عہدیدار استعمال کررہے تھے وہ بھی سکیورٹی ڈویژن کو واپس کردی گئی ہیں۔

Your Thoughts and Comments