برطانوی شہزادی کیٹ بچوں کو پولو میچ دکھانے لے گئیں، تصاویر وائرل

پیر 11 جون 2018 16:48

لندن(اُردو پوائنٹ اخبار آن لائن۔ پیر 11 جون 2018ء)برطانیہ کی ہونے والی ملکہ کیٹ اپنے بچوں شہزادہ جارج اور شہزادی شارلٹ کو پولو میچ دکھانے لے گئیں، تصاویر برطانوی الیکٹرانک میڈیا پر شائع ہونے پر وائرل ہو گئیں۔میڈیارپورٹس کے مطابق برطانیہ کی ہونے والی ملکہ کیٹ ایک ماں بھی ہیں اور اس ناطے بچوں کی اعلی پرورش انکی ذمہ داری ہے۔

(جاری ہے)

ڈچس آف کیمبرج اس کام میں خصوصی دلچسپی لے رہی ہیں، وہ اپنے بچوں شہزادہ جارج اور شہزادی شارلٹ کو پولو میچ دکھانے لے گئیں جہاں انہوں نے بچوں کے ساتھ دوڑ بھی لگائی اور انکی شرارتوں سے محظوظ بھی ہوئیں۔انہوں نے اپنی ساس شہزادی ڈیانا کی یاد تازہ کر دی جب وہ 1989 میں شہزادہ ولیم کے سکول میں سالانہ کھیلوں میں شریک ہوئیں اور ماں کی دوڑ میں حصہ بھی لیا انکی تصاویر برطانوی میڈیا میں شائع ہوئیں اور شاہی خاندان کے مداحوں میں مقبول بھی ہوئیں۔