این اے 67 میں تحریک انصاف کے فواد چوہدری یا لیگی امیدوار،عوام نے فیصلہ سنا دیا

این اے 67 کی عوام نے حبیب اکرم کے روڈ شو میں ملے جلے جذبات کا اظہار کیا،ووٹرز کا جھکاو تحریک انصاف کی جانب تو لیگی کارکنان بھی مسلم لیگ ن کے حق میں آگئے

بدھ 20 جون 2018 21:52

جہلم (اُردو پوائنٹ اخبار آن لائن۔ بدھ 20 جون 2018ء):این اے 67 میں تحریک انصاف کے فواد چوہدری یا لیگی امیدوار،عوام نے فیصلہ سنا دیا۔ این اے 67 کی عوام نے حبیب اکرم کے روڈ شو میں ملے جلے جذبات کا اظہار کیا۔ووٹرز کا جھکاو تحریک انصاف کی جانب تو لیگی کارکنان بھی مسلم لیگ ن کے حق میں آگئے۔تفصیلات کے مطابق پاکستان میں اس وقت ہر جگہ الیکشن کے چرچے ہیں۔

ایک جانب عوام الیکشن 2018 کے انتخابات پر نظریں لگائے بیٹھے ہیں تو دوسری جانب سیاسی پنڈت بھی اس الیکشن کو پاکستان کی پارلیمانی سیاست کا اہم سنگ میل قرار دے رہے ہیں۔اس کی سب سے بڑی وجہ یہ ہے کہ پاکستان کی تاریخ میں پہلی بار مسلسل تیسری مرتبہ انتقال اقتدار کا مرحلہ جمہوری طریقے سے آگے بڑھ رہا ہے۔

(جاری ہے)

الیکشن تو 25 جولائی کو ہی انعقاد پذیر ہوں گے مگر انتخابی معرکے کا زور کس کے سر رہے گا اس پر چہ میگوئیاں ابھی سے شروع ہو چکی ہیں۔

ہر سیاسی پہلوان اپنے مخالف کو سیاسی میدان میں شکست دینے کے لیے بیتاب ہوچکا ہے۔اس حوالے سے مختلف حلقوں میں سروے بھی کروائے جارہے ہیں۔اہم ترین حلقوں میں ہونے والے سروے انتخابات کے نتائج کے حوالے سے ایک عمومی اندازہ بھی پیش کررہے ہیں جس سے صورتحال واضح ہو رہی ہے کہ کس علاقے میں کس امیدوار کی سیاسی ساکھ زیادہ تگڑی ہے۔اس حوالے این اے 67 میں بھی صحافی حبیب اکرم کی جانب سے سروے کروایا گیا۔

این اے 67 وہی حلقہ ہے جہاں سے اس مرتبہ پاکستان تحریک انصاف کے ترجمان فواد چوہدری الیکشن میں حصہ لیں گے۔روڈ شو میں عوام نے ملے جلے جذبات کا اظہار کیا تاہم ایک جانب جہاں مسلم لیگ ن کے حامیوں نے مسلم لیگ ن کی حمایت کا بھر پور اعلان کیا تو وہیں تحریک انصاف کے ووٹرز نے بھی تحریک انصاف کی فتح کا اعلان کیا۔اس حوالے سے عوام کی ایک بڑی تعداد ایسی بھی دیکھنے میں آئی جنہوں نے گزشتہ الیکشن میں مسلم لیگ ن کو ووٹ دئیےب تھے مگر اب انکا رحجان پاکستان تحریک انصاف کی جانب ہو چکا ہے۔

جن لوگوں نے مسلم لیگ ن سے بیزاری کا اظہار کیا انکا کہنا تھا کہ ہم پرانے لوگوں کو بہت آزما چکے ہیں اب نئی قیادت کو آنا چاہیے اور وہ صرف عمران خان ہی ہو سکتے ہیں جبکہ لیگی ووٹروں کا کہنا تھا کہ کام مسلم لیگ ن نے کروائے ہیں تو شیر ہی جیتے گا۔آپ بھی ویڈیو ملاحظہ فرمائیں۔