یورپی یونین کا ٹرمپ کو کرارا جواب،

امریکی مصنوعات پر اربوں یورو کے محصولات کا نفاذ نئے درآمدی محصولات کی مالیت 2.8 ارب یورو بنتی ہے، جو 3.4 ارب امریکی ڈالر کے برابرہیں

جمعرات جون 15:05

برسلز(اُردو پوائنٹ اخبار آن لائن۔ جمعرات جون ء)یورپی یونین نے ٹرمپ کو درآمدی محصولات کے حوالے سے کرارا جواب دے دیا، امریکی مصنوعات کی یونین میں درآمد پر اربوں یورو کے نئے محصولات نافذ کر دئیے۔غیر ملکی ذرائع ابلاغ کے مطابق امریکا اور یورپی یونین کے مابین تجارتی جنگ میں یورپ نے بھی صدر ٹرمپ کو درآمدی محصولات کے حوالے سے مناسب جواب دے دیا ہے۔

اب امریکی مصنوعات کی یونین میں درآمد پر اربوں یورو کے نئے محصولات کا نفاذ 22 جون سے ہو جائے گا۔برسلز میں یورپی یونین کے صدر دفاتر سے بدھ20 جون کو ملنے والی نیوز ایجنسی ایسوسی ایٹڈ پریس کی رپورٹوں کے مطابق امریکی صدر ڈونلڈ ٹرمپ نے رواں ماہ کے آغاز سے یورپ سے امریکا درآمد کی جانے والی فولاد اور ایلومینیم کی مصنوعات پر 10 سے لے کر 25 فیصد تک جو نئے اور اضافی محصولات عائد کرنے کا فیصلہ کیا تھا، ان کی وجہ سے برسلز اور واشنگٹن کے مابین تجارتی شعبے میں پہلے سے پایا جانے والا اختلاف رائے مزید شدید ہو گیا تھا۔

(جاری ہے)

یورپی یونین کا کہنا تھا کہ صدر ٹرمپ کو امریکا کے اقتصادی مفادات کے تحفظ کے نام پر ایسے حفاظت پسندانہ فیصلے کرنے کی کوئی ضرورت نہیں تھی۔ لیکن اگر انہوں نے یہ فیصلہ کر ہی لیا ہے تو یورپ بھی خاموش نہیں بیٹھے گا اور یورپی یونین کے رکن ممالک میں امریکی مصنوعات کی درآمد پر بھی جوابا اضافی محصولات عائد کر دیے جائیں گے۔اب اس سلسلے میں یورپی یونین نے اپنا باقاعدہ فیصلہ کر لیا ہے اور یورپ میں امریکی مصنوعات کی درآمد پر اربوں مالیت کے جوابی اضافی محصولات عائد کر دیے جائیں گے۔ ان نئے درآمدی محصولات کی مالیت 2.8 ارب یورو بنتی ہے، جو 3.4 ارب امریکی ڈالر کے برابر ہو گی اور ان نئے محصولات کا نفاذ صرف دو روز بعد جمعہ 22 جون سے ہو جائے گا۔

Your Thoughts and Comments