پارٹی کارکن باہمی اتحاد اور جذبے سے انتخابات میں نامزد پارٹی امیدواروں کی کامیابی کے لئے کام کریں،ہمارے مخالفین کے پاس محض الزام تراشی، جھوٹا پروپیگنڈا، کھوکھلے نعرے اور حقائق سے خالی دعوے ہیں،پیپلزپارٹی نے ملک اور عوام کی خدمت کی ہے،آصف علی زرداری کا کارکنوں اور پارٹی ٹکٹ کے امیدواروں سے خطاب

منگل جون 23:32

اسلام آباد ۔ (اُردو پوائنٹ اخبار آن لائن۔ منگل جون ء) پاکستان پیپلز پارٹی پارلیمنٹیرینز کے صدر آصف علی زرداری نے کہا ہے کہ پارٹی کارکن باہمی اتحاد اور جذبے سے انتخابات میں نامزد پارٹی امیدواروں کی کامیابی کے لئے کام کریں۔ہمارے مخالفین کے پاس محض الزام تراشی، جھوٹا پروپیگنڈا، کھوکھلے نعرے اور حقائق سے خالی دعوے ہیں جبکہ پیپلزپارٹی نے ملک اور عوام کی خدمت کی ہے،ادارے بنائے ہیں اور عوام کی فلاح وبہبود کے لئے کام کیا ہے۔

اسلام آباد میں پارٹی آفس سے جاری پریس ریلیز کے مطابق منگل کے روز بلاول ہائوس لاہور میں حلقہ 57 کے پیپلزپارٹی کے کارکنوں سے اور پارٹی ٹکٹ کے لئے امیدواروں سے خطاب کرتے ہوئے آصف علی زرداری نے کہا کہ پیپلزپارٹی کی قیادت نے عوام کے ساتھ جو عہد کئے وہ تختہ دار پر جا کر بھی نبھائے اور سرعام جان کی قربانی دے کر بھی نبھائے۔

(جاری ہے)

انہوں نے کہا کہ پیپلزپارٹی کے مخالفین نے دھاندلی اور چور دروازے سے اقتدار میں آکر عوام کو انتقام کا نشانہ بنایا جبکہ پاکستان پیپلزپارٹی عوام کی طاقت سے اقتدار میں آکر ملک کی خدمت کرتی ہے۔

آصف علی زرداری نے کہا کہ پاکستان پیپلزپارٹی کا ہر کارکن عوام کی خدمت کا جذبہ رکھتا ہے۔ا نہوں نے کہا کہ محترمہ بینظیر بھٹو شہید کا فلسفہ ہمارے لئے مشعل راہ ہے۔ پیپلزپارٹی کل بھی کچلے ہوئے طبقات کی واحد نمائندہ پارٹی تھی اور آج بھی ہے۔ انہوں نے کہا کہ ہماری جدوجہد سماجی انصاف اور برابری کے لئے ہے۔ ہم ایسے معاشرے کے لئے جدوجہد کر رہے ہیں جس معاشرے میں تمام طبقات کے ساتھ انصاف اور برابری کے اصول ہوں۔ آصف علی زرداری سے جمعیت علمائے پاکستان کے رہنما مولانا ابوالخیر زیبر نے بھی ملاقات کرکے ملک کی موجودہ سیاسی صورتحال اور انتخابات کے حوالے سے تبادلیہ خیال کیا۔

Your Thoughts and Comments