پیرو میں ججوں کا رشوت لے کر فیصلے دینے کا انکشاف،آڈیوٹیپس منظرعام پرآگئیں

ملکی جوڈیشل برانچ نے اسکینڈل سامنے آنے کے بعد عدلیہ میں تین ماہ کی ایمرجنسی نافذ کرنے کا اعلان کردیا

جمعہ 20 جولائی 2018 12:00

لیما(اُردو پوائنٹ اخبار آن لائن۔ جمعہ 20 جولائی 2018ء)جنوبی امریکا کے ملک پیرو میں ایک اسکینڈل سامنے آیا ہے جس میں ایسی آڈیو ٹیپس سامنے آئی ہیں جن سے کچھ ججوں کی طرف سے رشوت لے کر فیصلے دینے کا انکشاف ہوا ہے۔

(جاری ہے)

ادھر پیرو کی جوڈیشل برانچ نے یہ اسکینڈل سامنے آنے کے بعد ملکی عدلیہ میں تین ماہ کی ایمرجنسی نافذ کرنے کا اعلان کردیا ہے،امریکی ٹی وی کے مطابق آڈیو ٹیپس میں ان ججوں کو مالی پیش کشوں کے بدلے میں فیصلے دینے کا ارادہ کرتے ہوئے سنا جا سکتا ہے۔

پیرو کی جوڈیشل برانچ نے یہ اسکینڈل سامنے آنے کے بعد ملکی عدلیہ میں تین ماہ کی ایمرجنسی نافذ کرنے کا اعلان کردیا ہے۔جوڈیشل برانچ کے صدر نے کہا کہ یہ انکشاف سسٹم کی مکمل ناکامی ظاہر کرتا ہے، ایک ٹیپ میں ایک جج نے اپنے مطلب کی سزا کے بدلے میں پیسوں کا وعدہ کیاجبکہ ایک اور ٹیپ میں ایک جج کو ایسی کال سنتے ہوئے سنا جا سکتا ہے جس میں ان سے کہا جا رہا ہے کہ وہ گیارہ سالہ لڑکی کے ریپ میں ملوث شخص کی سزا کم کر دیں۔