شمالی کوریا کے معاملے میں پیشرفت نہ ہونے پر ٹرمپ برہم ہیں،امریکی اخبار

امریکی اخبار جھوٹا ،شمالی کوریا کے معاملے میں پیش رفت ہورہی ہے اوراس پر میں بہت خوش ہوں، ٹرمپ

منگل 24 جولائی 2018 12:46

واشنگٹن(اُردو پوائنٹ اخبار آن لائن۔ منگل 24 جولائی 2018ء)امریکی اخبار نے دعویٰ کیا ہے کہ شمالی کوریا کے معاملے میں کوئی پیش رفت نہ ہونے پر امریکی صدر ڈونلڈ ٹرمپ سخت برہم ہیں تاہم امریکی صدر ڈونلڈ ٹرمپ نے امریکی اخبار کی رپورٹ کو مستردکرتے ہوئے کہاہے کہ شمالی کوریا کے ساتھ معاملات اچھے انداز سے آگے بڑھ رہے ہیں، جس پر انہیں خوشی ہے۔

(جاری ہے)

غیرملکی خبررساں ادارے کے مطابق اپنے ایک ٹوئٹر پیغام میں ٹرمپ نے کہا کہ گزشتہ نو ماہ میں شمالی کوریا کی جانب سے کوئی میزائل اور جوہری تجربہ نہیں کیا گیا۔ انہوں نے کہا کہ اس بابت پیش رفت پر امریکا کے ساتھ ساتھ جاپان بھی خوش ہے۔ اس سے قبل امریکی اخبارنے اپنی ایک رپورٹ میں دعویٰ کیا تھا کہ شمالی کوریا کے معاملے میں کوئی پیش رفت نہ ہونے پر ٹرمپ سخت برہم ہیں۔