اٹلی ریسکیو کیے گئے تارکین وطن قبول کرتے رہنے پر راضی ہو گیا

یورپی یونین اس سلسلے میں اگلے پانچ ہفتوں میں ایک حل پیش کر دی گی،اطالوی وزیرخارجہ کی گفتگو

منگل 24 جولائی 2018 12:49

روم(اُردو پوائنٹ اخبار آن لائن۔ منگل 24 جولائی 2018ء) اٹلی نے بحیرہء روم میں ریسکیو کیے جانے والے تارکین وطن کو قبول کرنے پر رضامندی ظاہر کر دی ہے۔

(جاری ہے)

میڈیارپورٹس میں بتایاگیاکہ اس اتفاق رائے کے مطابق جب تک یورپی یونین اس بابت ایک حکمت عملی وضع نہیں کرتی اور ان تارکین وطن کو مناسب انداز سے مختلف یورپی ریاستوں میں تقسیم کرنے پر اتفاق نہیں ہو جاتا، اٹلی تب تک ان تارکین وطن کو قبول کرتا رہے گا۔

اطالوی وزیرخارجہ اینزو ماؤیرو نے برلن میں اپنے جرمن ہم منصب ہائیکو ماس سے بات چیت کے بعد کہا کہ یورپی یونین اس سلسلے میں اگلے پانچ ہفتوں میں ایک حل پیش کر دی گی۔ انہوں نے صحافیوں سے بات چیت میں کہا کہ اس عرصے میں اٹلی بحیرہء روم میں ریسکیو کیے جانے والے تارکین وطن کو اپنے ہاں آنے کی اجازت دے دے گا۔