نائیجیریا میں گوگل کے فری وائی فائی ہاٹ سپاٹ نیٹ ورک کا آغاز

جمعہ 27 جولائی 2018 12:46

ابوجہ ۔ (اُردو پوائنٹ اخبار آن لائن۔ جمعہ 27 جولائی 2018ء) گوگل نے نائیجیریا میں مفت وائی فائی ہاٹ سپاٹس کے ایک نیٹ ورک کا آغاز کیا ہے جس کا مقصد افریقہ کے اس گنجان آباد ترین ملک میں اپنی موجودگی میں اضافہ کرنا ہے۔

(جاری ہے)

امریکی نشریاتی ادارے کے مطابق امریکا کی اس ٹیکنالوجی کمپنی نے اپنا وائی فائی نیٹ ورک قائم کرنے کے لئے فائبر کیبل مہیا کرنے والی نائیجیریا کی کمپنی 21 سنچری کے ساتھ شراکت داری کی ہے۔

گوگل نے مرکزی شہر لاؤس میں ہوائی اڈے سمیت 6مقامات پر وائی فائی ہاٹ سپاٹ کے اسٹیشن قائم کئے ہیں۔گوگل نے کہاہے کہ اس کا ہدف یہ ہے کہ 2019 ء کے آخر تک ملک کے پانچ شہروں میں 200 عوامی مقامات پر تیز رفتار وائی نیٹ ورک ہاٹ سپاٹ قائم کئے جائیں۔واضح رہے کہ اس سے قبل گوگل بھارت، انڈونیشیا، میکسیکو اور تھائی لینڈ میں اپنے اسٹیشن قائم کر چکا ہے۔