پاکستان کیلئے بیل آؤٹ پیکج ،ْ امریکا نے آئی ایم ایف کوخبردار کردیا

منگل 31 جولائی 2018 19:26

واشنگٹن (اُردو پوائنٹ اخبار آن لائن۔ منگل 31 جولائی 2018ء)امریکا کے سیکرٹری خارجہ مائیک پومپیو نے خبردار کیا ہے کہ امریکا انٹرنیشنل مانیٹری فنڈ کی جانب سے پاکستان کو بیل آؤٹ پیکج دینے کے معاملے کاباریک بینی سے جائزہ لے رہا ہے۔غیر ملکی میڈیا کے مطابق پاکستان چین کے ساتھ ون بیلٹ ون روڈ منصوبے میں اہم شراکت دار ہے اور اس وقت اسے معاشی مشکلات سے نکلنے کیلئے بیل آؤٹ کی سخت ضرورت ہے۔

(جاری ہے)

امریکی ٹی وی سی این بی سی کو انٹرویو دیتے ہوئے مائیک پومپیو نے کہا کہ کوئی غلطی نہ کریں ہم دیکھ رہے ہیں کہ آئی ایم ایف کیا کرتا ہے تاہم ان کا کہنا تھا کہ وہ امریکا اور پاکستان کے درمیان باہمی مفادات کے تعاون کے معاملات کو خوش آمدید کہیں گے۔انہوںنے کہاکہ چینی بونڈ رکھنے والوں اور خود چین کو قرضوں کی واپسی کے لیے آئی ایم ایف ٹیکس ڈالر استعمال نہیں ہوں گے ، خیال رہے کہ آئی ایم ایف کی فنڈنگ امریکی ڈالر سے منسلک ہے۔