سینئر پارلیمنٹرین ہو تے وزارت کا مطالبہ مجھے زیب نہیں دیتا، نہ ہی کسی وزارت کی خواہش ہے،شیخ رشید احمد

عمران خان سے ملنے آج بنی گالہ جاؤں گا ، نواز شریف کی صحت یابی کے لئے دعاگو ہوں لیکن حالیہ نقل و حمل کے پس پردہ کہانی کچھ اور ہی معلوم ہوتی ہے،نجی ٹی وی سے گفتگو

منگل 31 جولائی 2018 23:47

اسلام آباد(اُردو پوائنٹ اخبار آن لائن۔ منگل 31 جولائی 2018ء) عوامی مسلم لیگ کے سربراہ شیخ رشید احمد نے کہا ہے کہ آٹھ مرتبہ وزیر رہ چکا ہوں اور سینئر پارلیمنٹرین ہو تے ہوئے وزارت کا مطالبہ مجھے زیب نہیں دیتا اور نہ ہی کسی وزارت کی خواہش ہے آج بدھ کے روز عمران خان سے ملنے بنی گالہ جاؤں گا ۔

(جاری ہے)

منگل کے روز نجی ٹی وی سے گفتگو کرتے ہوئے عوامی مسلم لیگ کے سربراہ شیخ رشید احمد نے کہا ہے کہ ملکی تاریخ میں پہلی بار شفاف انتخابات ہوئے ہیں میرے نزدیک وزارت کی ہوئی اہمیت نہیں ہے اور نہ ہی کسی مخصوص وزارت کا طلبگار ہوں سینئر پارلیمنٹرین ہوتے ہوئے وزارت کا مطالبہ کرنا مجھے زیب نہیں دیتا اور میں غیر مشروط طور پر اچھے برے وقت اور حالات میں عمران خان کا ساتھ دوں گا۔

انہوںنے کہا کہ آج عمران خان سے ملنے بنی گالہ جاؤں گا شیخ رشید احمد نے کہا کہ نواز شریف کی صحت یابی کے لئے دعاگو ہوں لیکن حالیہ نقل و حمل کے پس پردہ کہانی کچھ اور ہی معلوم ہوتی ہے۔