ایوان میں اکثریت نہ ہونے پرقانون سازی میں مشکلات ہونگی ،ْچودھری سرور

بھارت کے ساتھ لڑائی نہیں بلکہ اچھے تعلقات چاہتے ہیں ،ْمقبوضہ کشمیر میں ظلم کیا جا رہا ہے ،ْ انٹرویو

بدھ 1 اگست 2018 00:12

اسلام آباد (اُردو پوائنٹ اخبار آن لائن۔ منگل 31 جولائی 2018ء)پاکستان تحریک انصاف کے رہنما چودھری سرور نے کہا ہے کہ ایوان بالامیں اکثریت نہ ہونے سے ہمیں قانون سازی میں مشکلات ہونگی۔ایک انٹرویومیں سینٹر چودھری سرور نے کہا کہ تحریک انصاف کوایوان بالا میں اکثریت حاصل نہیں ہے،چیئرمین سینیٹ صادق سنجرانی کیخلاف عدم اعتماد ہوسکتا ہے،ایوان بالامیں اکثریت نہ ہونے سے ہمیں قانون سازی میں مشکلات ہونگی۔

چودھری سرور نے کہا کہ ہم بھارت کے ساتھ لڑائی نہیں بلکہ اچھے تعلقات چاہتے ہیں۔مقبوضہ کشمیر میں ظلم کیا جا رہا ہے ۔2013 کے الیکشن کے بعد عمران خان نے کہا کہ چار حلقے کھول دو اور چار حلقے کھولنے میں چار سال لگ گئے لیکن ہم اب کہہ رہے ہیں آپ جہاں کہتے ہیں ہم حلقہ کھولنے کے لئے تیار ہیں ۔

(جاری ہے)

اگرہم کو کوئی ڈر ہوتا تو ہم یہ بات نہ کرتے ۔ بین الاقوامی مبصرین نے مجھے پیغام بھیجا ہے کہ الیکشن میں دھاندلی نہیں ہوئی ۔

انہوں نے کہا کہ پاکستان کے الیکشن سیمیں نے ایک بات سیکھی ہے کہ حلقہ میں برداری کو دیکھنا پڑتاہے۔ انہوں نے کہا کہ دھاندلی کے حوالے سے جو تحفظات ہیں ان کی تحقیقات ہونی چاہئے اور ہم اس حوالے سے پوری تسلی کرائیں گے ۔انہوں نے کہا کہ عوام سیاسی طور پر بڑے باشعور ہوچکے ہیںاور جو سیاسی جماعتوں کی جانب سے اقدامات کئے جاتے ہیں اس پر گہری نظر رکھتے ہیں۔