سعید اجمل کے نئے بولنگ ایکشن کا سرکاری ٹیسٹ کرانے کا فیصلہ،قومی کرکٹر نے نیشنل کرکٹ اکیڈمی میں ثقلین مشتاق کے زیر نگرانی نئے باولنگ ایکشن پر کام مکمل کر لیا،قومی آف اسپنر سعید اجمل اپنی کرکٹ اکیڈمی کے لیئے فنڈز اکٹھے کرنے کے لیے انگلینڈ روانہ ،ٹیسٹ کی تاریخ17 جنوری تک مل گئی تو سعید اجمل انگلینڈ میں آفیشل ٹیسٹ دے کر ہی واپس آئینگے

ہفتہ جنوری 08:28

سعید اجمل کے نئے بولنگ ایکشن کا سرکاری ٹیسٹ کرانے کا فیصلہ،قومی کرکٹر ..

لاہور( اُردو پوائنٹ اخبارآن لائن۔10 جنوری۔2015ء )پاکستان کرکٹ بورڈ نے آئی سی سی کی جانب سے پابندی کا شکار سعید اجمل کے نئے ایکشن کا سر کاری ٹیسٹ کرنے کا فیصلہ کر لیا۔ قومی آف اسپنر سعید اجمل اپنی کرکٹ اکیڈمی کے لیئے فنڈز اکٹھے کرنے کے لیے آج انگلینڈ روانہ ہو چکے ہیں۔

قومی کرکٹر نے نیشنل کرکٹ اکیڈمی میں ثقلین مشتاق کے زیر نگرانی نئے باولنگ ایکشن پر کام مکمل کر لیا ہے۔ ذرائع کے مطابق سعید اجمل سترہ جنوری تک انگلینڈ میں رہیں گے۔ پی سی بی نے قومی آف اسپنر کے ایکشن کے ٹیسٹ کے لیے آئی سی سی سے حتمی تاریخ کی درخواست دے رکھی ہے۔ ذرائع کا کہنا ہے کہ ٹیسٹ کی تاریخ سترہ جنوری تک مل گئی تو سعید اجمل انگلینڈ میں آفیشلٹیسٹ دے کر ہی واپس آئینگے۔

متعلقہ عنوان :

Your Thoughts and Comments