لاہور ،زیادتی کے بعد 6 سالہ بچے کو قتل کرنے والا سفاک ملزم بے نقاب سترہ سالہ ملزم مسجد کے سامنے دکان پر حجام کا کام کرتا ہے، اعتراف جرم کر لیا

جمعرات جنوری 07:54

لاہور ،زیادتی کے بعد 6 سالہ بچے کو قتل کرنے والا سفاک ملزم بے نقاب سترہ ..

لاہور(اُردو پوائنٹ اخبارآن لائن۔15جنوری۔2015ء)زیادتی کے بعد 6 سالہ بچے کو قتل کرنے والا سفاک ملزم بے نقاب سترہ سالہ ملزم شعیب مسجد کے سامنے دکان پر حجام کا کام کرتا ہے، اپنا جرم چھپانے کے لیے معصوٴم کی جان لی، میڈیا رپورٹ کے مطابق گرین ٹاوٴن کے علاقے میں مسجد کی چھت سے 6 سالہ معین کی برہنہ لاش 2 جنوری کو ملی تھی۔ معصوم بچے کو گلے میں پھندا ڈال کر لٹکایا گیا تھا۔

پوسٹ مارٹم رپورٹ میں زیادتی ثابت ہونے پر پولیس نے موذن سمیت 7 افراد کو حراست میں لیا اور مختلف پہلووٴں پر تفتیش شروع کر دی۔ زیر حراست ملزمان کے ڈی این اے، پولی گرافک اور دیگر ٹیسٹ بالآخر تفتیشی ٹیم کو مرکزی ملزم تک لے گئے۔ 17 سالہ ملزم شیعب مسجد کے قریب حجام کی دکان چلاتا ہے۔ زیر حراست ملزم شعیب نے اپنے جرم کا اعتراف کرتے ہوئے بتایا کہ وہ معین کو ورغلا کر مسجد کی چھت پر لے گیا اور اپنا جرم چھپانے کے لئے اس نے معین کو ہلاک کیا۔ پولیس کا کہنا ہے کہ مسجد کے تین داخلی راستوں سے آنے جانے والوں کی تفصیلات سمیت فرانزک سائنس لیبارٹری کیس کی تفتیش میں انتہائی معان ثابت ہوئی ۔

متعلقہ عنوان :

Your Thoughts and Comments