22 اپریل سے صوبے بھر میں تعلیمی عمل بحال ہوجائے گا ، وزیر تعلیم سندھ

الحمداللہ اس وقت صوبے میں کورونا وائرس کی صورتحال کنٹرول میں ہے، سندھ میں کوئی مخصوص ضلع متاثر نہیں ہے، سعیدغنی

کراچی(اُردو پوائنٹ اخبارتازہ ترین - این این آئی۔ 06 اپریل2021ء)سندھ کے وزیر تعلیم سعید غنی نے کہا ہے کہ الحمداللہ اس وقت صوبے میں کورونا وائرس کی صورتحال کنٹرول میں ہے، سندھ میں کوئی مخصوص ضلع متاثر نہیں ہے، 22 اپریل سے صوبے بھر میں تعلیمی عمل بحال ہوجائے گا جبکہ 9 ویں سے 12ویں جماعت تک امتحانات شیڈول کے مطابق ہوں گے۔

(جاری ہے)

منگل کو جاری اپنے بیان میں سعید غنی نے کہاکہ ہم نے پہلی سی8ویں جماعت تک تدریسی عمل معطل کر رکھا ہے تاہم 22اپریل سے سندھ بھر میں تعلیمی سرگرمیاں بحال ہوجائیں گی، خدانخواستہ کسی اضلاع میں کیسز میں اضافہ میں ہوا تو ضلعی انتظامیہ فیصلہ کرے گی۔

انہوں نے کہا کہ 9ویں سے 12ویں جماعت تک تعلیمی عمل بلا تعطل جاری رہے گا، اور 9 ویں سے 12ویں جماعت کے امتحانات بھی شیڈول کے مطابق ہوں گے۔انہوں نے کہاکہ الحمداللہ اس وقت صوبے میں کورونا وائرس کی صورتحال کنٹرول میں ہے، سندھ میں کوئی مخصوص ضلع متاثر نہیں ہے، صوبے کے تعلیمی اداروں میں مثبت کیسز کی شرح 2.6 فیصد ہے۔