ثانوی واعلیٰ ثانوی تعلیمی بورڈ میرپور خاص نے بارہویں جماعت کے نتائج کا اعلان کردیا

میرپور خاص (اُردو پوائنٹ اخبار تازہ ترین۔26اگست۔2014ء) ثانوی واعلیٰ ثانوی تعلیمی بورڈ میرپور خاص کے چیئرمین فصیح الدین خان نے بارہویں جماعت (HSC سرٹیفکیٹ پارٹ II) پری انجینئرنگ‘ پری میڈیکل اور سائنس جنرل گروپ سال 2014ء کے نتائج کا اعلان کردیا۔ تفصیلات کے مطابق بارہویں جماعت کے سالانہ امتحانات میں 17 ہزار سے زائد طلبہ و طالبات نے حصہ لیا۔

نتائج کے مطابق پری انجینئرنگ میں پہلی پوزیشن گورنمنٹ بوائز ہائر سیکنڈری اسکول ڈگری کے طالب علم ول ویر سنگھ ولد ماہا سنگھ سیٹ نمبر 31588 نے 967 نمبر لے کر حاصل کی جبکہ دوسری پوزیشن گورنمنٹ ابن رشد گرلز کالج میرپور خاص کی طالبہ فصیحہ رانی بنت محمد عمر سیٹ نمبر 31396 نے 931 نمبر لے کر حاصل کی جبکہ تیسری پوزیشن سٹی گرامر ہائر سیکنڈری اسکول شہداد پور کے طالب علم خضر حسین ولد محمد شعیب سیٹ نمبر 36977 نے 930 نمبر لے کر حاصل کی۔

(جاری ہے)

پری انجینئر گروپ میں کامیابی کا تناسب 80.28% رہا‘ اسی طرح پری میڈیکل گروپ میں پہلی پوزیشن گورنمنٹ کمپری ہینسو ہائر سیکنڈری اسکول میرپور خاص کے طالب علم نیل کانتھ ولد سریش چندر سیٹ نمبر 40044 نے 965 نمبر لے کر حاصل کی جبکہ دوسری پوزیشن گورنمنٹ گرلز ہائر سیکنڈری اسکول جھول کی طالبہ آمنہ خاتون بنت حضور بخش سیٹ نمبر 47005 نے 938 نمبر لے کر حاصل کی جبکہ تیسری پوزیشن شاہ عبداللطیف گورنمنٹ ڈگری کالج میرپور خاص کے طالب علم بھادیش ساگر ولد درگا داس سیٹ نمبر 40199 نے 929 نمبر لے کر حاصل کی۔

پری میڈیکل گروپ میں کامیابی کا تناسب 81.20% رہا جبکہ سائنس جنرل گروپ میں 83 طلبہ اور طالبات نے حصہ لیا اور کامیابی کا تناسب 89.15 فیصد رہا۔ اس موقع پر چیئرمین تعلیمی بورڈ نے پوزیشن ہولڈرز طلبہ وطالبات میں اسناد اور پھولوں کے تحائف پیش کئے۔ تقریب میں طلبہ وطالبات کے علاوہ ان خے والدین‘ اساتذہ کرام اور تعلیمی بورڈ میرپور خاص کے سیکریٹری‘ ناظم امتحانات اور دیگر افسران بھی موجود تھے۔

Your Thoughts and Comments