جامعہ اردو اکیڈمک کونسل کا اجلاس ، بی ایس شماریات بمعہ فائنانس کا نیا پروگرام شروع کرنے کی منظوری

کراچی (اُردو پوائنٹ اخبار تازہ ترین۔26اگست۔2014ء)وفاقی اردو یونیورسٹی کے وائس چانسلر پروفیسر ڈاکٹر ظفر اقبال کی زیر صدارت ہونیوالے اکیڈمک کونسل کے اجلاس میں تعلیمی سال2015 سے شعبہ شماریات میں بی ایس شماریات بمعہ فائنانس(BS-Statistics With Finance) کا ایک نیا پروگرام شروع کرنے کی منظوری دی گئی۔ اس پروگرام میں صرف انٹر میڈیٹ کامرس کے طلبہ داخلے کیلئے اہل ہونگے۔

(جاری ہے)

وفاقی جامعہ اردو پاکستان کی واحد جامعہ ہے جس نے موجودہ ملکی ضرورت کو پیش نظر رکھتے ہوئے اس پروگرام کا آغاز کیا ہے۔ اس پروگرام کی منظوری دینے پر شعبہ شماریات کے اساتذہ و طلبہ نے شیخ الجامعہ پروفیسر ڈاکٹر ظفر اقبال کا شکریہ ادا کیا۔ اس پروگرام کے شروع کرنے سے نہ صرف طلباء کو ملازمت کے حصول میں آسانی حاصل ہوگی اس کے علاوہ ملک کے مالیاتی اداروں میں شماریات کے مضمون کو درست طریقے سے استعمال کیا جاسکے گا۔

Your Thoughts and Comments