Low Blood Pressure Bhi Khatarnak Marz Hai! - Article No. 1666
لو بلڈ پریشر بھی خطر ناک مرض ہے! - تحریر نمبر 1666
یہ تکلیف کئی بیماریوں کو جنم دینے کا سبب بنتی ہے جن سے بچنا ممکن ہے۔
جمعرات 5 ستمبر 2019
اس کے باوجود لو بلڈ پریشر کی طرف سے عموماً غفلت برتی جاتی ہے اور عموماً اس کا علاج نہیں کیا جاتا۔ہائی بلڈ پریشرکی علامات اور اس سے بچنے کے لیے احتیاط پر تو بہت زیادہ بات کی جاتی ہے۔لیکن لو بلڈ پریشر کے لیے عموماً ایسا نہیں کیا جاتا ۔بہت سے ڈاکٹر تو اسے مرض ہی تسلیم نہیں کرتے حالانکہ اس کی وجہ سے مریض کے اندر بہت سی پیچیدگیاں پیدا ہو جاتی ہیں جو اس کی کار کردگی کو متاثر کرتی ہیں۔
(جاری ہے)
بعض افراد میں بلڈ پریشر اچانک گر جاتاہے،اس کی بہت سی وجوہات ہو سکتی ہیں،جیسے خون کی شریانوں کا اچانک پھیل جانا ،یادستوں ،الٹیوں اور خون بہہ جانے کے باعث جسم میں اچانک خون یا سیال مادہ کی کمی کاواقع ہو جانا۔خوفناک مناظر دیکھنے یا کسی اور وجہ سے جذباتی پریشانیاں بھی خون کے دباؤ میں اچانک کمی پیدا کرنے کا باعث بن جاتی ہیں،جس کے باعث مریض کو چکر آنے لگتے ہیں،آنکھوں کے گرد اندھیرا چھانے لگتا ہے اور بعض اوقات وہ بے ہوش بھی ہو جاتاہے۔
زیادہ دیر تک کھڑے رہنے سے چکر آنا،بصارت کا دھند لا ہو جانا یا بعض صورتوں میں بے ہوش ہو جانا ایک عام بات ہے،اس کی وجہ بلڈ پریشر میں اچانک کمی کا واقع ہو نا ہو سکتی ہے کیونکہ وزن سہارنے والے اعضاء میں خون کی زیادہ مقدار جمع ہوجاتی ہے اگر لیٹنے اور کھڑے ہونے کی پوزیشن کے درمیان بلڈ پریشر کا فرق زیادہ ہوتو اس بیماری کو”پاچیورل ہائیپر ٹینشن“کہتے ہیں۔
بعض لوگوں میں یہ بیماری اس وقت ہوتی ہے جب وہ دیر تک کھڑے رہیں زیادہ دیر تک بستر پر آرام کریں یا ورزش کے فوراً بعد زیادہ دیر تک کھڑے رہنے سے پیداہونے والا لو بلڈ پریشر عموماً ذیابیطس کے مریض یا ان لوگوں میں پایا جاتا ہے جو ہائی بلڈ پریشر میں مبتلا ہوں اور اسے کنٹرول کرنے کے لیے ادویات لیتے ہوں۔
”پا چیورل ہائیپر ٹینشن“کے مریض عموماً چکر آنے،بصارت کے کم ہوجانے اور بے ہوش ہو جانے کی شکایت کرتے ہیں ،یہ کیفیت زیادہ دیر کھڑے رہنے یا بستر سے اُٹھنے کے بعد ہوتی ہے۔اس کے علاوہ پیشاب کرتے وقت زور لگانے،کھانسنے،کسی چیز کو نگلنے یا ورزش اور سخت کام کرنے سے بھی یہ کیفیت پیدا ہو سکتی ہے۔
اگر کوئی ایسی کیفیت محسوس کرے تو دونوں حالتوں میں بلڈ پریشر چیک کرنا چاہیے۔یعنی لیٹے ہوئے بھی اور کھڑے ہوئے بھی ،اسے مریضوں کو سر اونچا رکھ کر سونا چاہیے اس کے لیے وہ اونچا تکیہ استعمال کر سکتے ہیں۔ماہرین صحت کہتے ہیں کہ لو بلڈ پریشر میں لیٹے ہوں تو اُٹھتے وقت آہستہ آہستہ حرکت کرنی چاہیے،اس کے علاوہ کھانے میں نمک کا استعمال بڑھا دینا چاہیے،پانی زیادہ مقدار میں پئیں۔
بہت سے لوگ چاہے وہ جوان ہوں یا عمر رسیدہ ،موٹے ہوں یا دُبلے مستقل لو بلڈ پریشر میں مبتلا رہتے ہیں۔یہ لو بلڈ پریشر عموماً ان لوگوں کو ہوتا ہے جو ناقص غذا کھاتے ہیں یا جو موشن کے مریض ہوں،یہ ان خواتین کو بھی ہوتاہے جو بہت زیادہ ڈائٹنگ کرتی ہیں،متوازن خوراک استعمال نہیں کرتیں، یا ورزش نہیں کرتیں۔
اینمیا کے مریض:خواتین میں اینمیا (خون کی کمی)بہت عام ہے ،اس کے باعث لو بلڈ پریشر اور کئی مسائل بھی جنم لینے لگتے ہیں،بعض لوگوں میں لو بلڈ پریشر کی علامات ظاہر ہی نہیں ہوتی،اور صرف میڈیکل چیک اپ کے وقت ہی اس کا پتہ چلتا ہے،لیکن بہت سے مریضوں میں اس کی بہت سی علامات ظاہر ہو جاتی ہیں ،جیسے کمزوری ،سر چکرنا،سر درد ،چڑ چڑاپن ،تھکن اور کام میں دلچسپی کا فقدان ،ان علامت کا مستقل بر قرار رہنا دوسرے فیملی ممبر ز کی زندگی پر بھی برا اثر ڈالتا ہے۔
لوبلڈ پریشر اصل معنوں میں شاید مرض نہ ہو ،لیکن ہر عمر کے لوگ اور عموماً خواتین اس میں مبتلاہوتی ہیں اور انہیں اس کی وجہ سے دیگر کئی امراض لاحق ہو سکتے ہیں۔لو بلڈ پریشر کی علامات کو کم کرنے کے لیے متوازن غذاکھائیں جو وٹامنز اور معدنیات سے بھر پور ہو،سبزپتوں والی تر کار یاں اور پھل کثرت سے لیں،نمک کھانے کی مقدار بھی بڑھادیں لو بلڈ پریشر سے چھٹکارا حاصل کرنے کے لیے باقاعدگی سے تھوڑی بہت ورزش ضرور کریں۔
Browse More Blood Pressure
بُلند فشارِ خون
Buland Fishar E Khoon
خون کا بڑھتا دباؤ اور یونانی ادویہ کی تاثیر
Khoon Ka Barhta Dabao Aur Unani Advia Ki Taseer
بلڈ پریشر
Blood Pressure
ہائی بلڈ پریشر میں کیسی کھائیں غذائیں
High Blood Pressure Mein Kaisi Khayen Ghizain
دل کی بیماریوں کا اہم سبب ہائی بلڈ پریشر
Dil Ki Bimariyon Ka Ehem Sabab High Blood Pressure
لو بلڈ پریشر
Low Blood Pressure
چقندر
Chukandar
بلڈ پریشر متعدد امراض کا پیش خیمہ
Blood Pressure - Mutadad Amraz Ka Pesh Khema
اسٹریس اور ہائپر ٹینشن سے کیسے محفوظ رہا جائے
Stress Aur Hypertension Se Kaise Mehfooz Raha Jaye
بلڈ پریشر کی جانچ کریں
Blood Pressure Ki Janch Kareen
کورونا وائرس اور ہائی بلڈ پریشر
Coronavirus Aur High Blood Pressure
بلڈ پریشر․․․کم یا زیادہ ہونے کی وجوہات
Blood Pressure - Kam Ya Ziyada Hone Ki Wajohat