Safar Main Zehni Dabao Se Bachao K Tareeqay

سفر کے دوران کئی قسم کی پریشانیوں کا سامنا کرنا پڑتا ہے۔ان میں ذہنی دباؤ بھی شامل ہے۔ذہنی دباؤ سے بچنے کے لیے ذیل میں چند طریقے دیے جارہے ہیں،جن پر عمل کرنے سے آپ کو فائدہ ہوگا:
وقت کا دھیان رکھیے:
سفر کے دوران کئی افراد کی ٹرین چھوٹ جاتی ہے۔چناچہ انھیں سفر ملتوی کرنا پڑتا ہے۔اس سے بچنے کا طریقہ یہ ہے کہ گاڑی یا طیارے کے روانہ ہونے ۲ گھنٹے پہلے اسٹیشن یا ائیرپورٹ پہنچ جائیں۔

اپنے ساتھ مشین نہ رکھیے:
کوٹنے،پیسنے اور شیو بنانے کی چھوٹی بڑی مشینیں اپنے ساتھ نہ رکھیں،کیوں کہ ان کے لیے بجلی کی سپلائی ضروری ہوتی ہے،جو ممکن ہے سفرمیں آپ کو میسر نہ ہو۔ان کے بغیر آپ پُر سکون رہیں گے۔
ناشتا ساتھ رکھیے:
لمبا سفر کرتے وقت ہلکا پھلکا ناشتا اپنے ساتھ رکھیے۔

(جاری ہے)

انڈے پراٹھے کے علاوہ کچھ پھل اور پھلوں کے رس کے ڈبے بھی مناسب رہیں گے۔

خشک میوہ رکھا جاسکتا ہے۔سفرمیں اگر آپ بھوکے رہیں گے تو آپ کے ذہنی دباؤ میں اضافہ ہوجائے گا۔
مصروفیت نہ رکھیے:
سفر کے دوران کوئی مصروفیت نہ رکھیں اور لیٹ کر جسم کو ڈھیلا چھوڑدیجئے۔سفر میں اگر گوئی ہم مزاج شخص مل جائے تو آپ اس کے ساتھ علمی و ادبی گفتگو کرسکتے ہیں،ناول پڑھ سکتے ہیں،شطرنج یا لوڈو بھی کھیل سکتے ہیں۔
جسم میں کھچاؤ پیدا کریں:
ٹرین میں طویل سفر کے دوران ساکت بیٹھے رہنے سے ٹانگوں کا دورانِ خون رک سکتا ہے اور ٹانگوں میں درد ہو سکتا ہے۔چناں چہ دونوں پیروں کو فرش سے ایک منٹ تک اٹھائے رہیں۔زیادہ دیر تک ایک حالت میں بیٹھنے سے خون میں تھکے پڑسکتے ہیں،اس لیے ہلکی پھلکی ورزش کرتے رہیں،اس سے خون رواں رہے گا۔