Dieting Nah Kijiyej - Article No. 1424
ڈائٹنگ نہ کیجئے - تحریر نمبر 1424
صحت بخش خوراک لیجئے ڈائٹ پلانز کار آمد ہوں ،ضروری نہیں
بدھ 28 نومبر 2018
ایسے لوگ جو یہ دعویٰ کرتے ہیں کہ ہمارے پاس وزن گھٹانے یا ڈائٹنگ سب سے مستند طریقہ موجود ہے تو جان لیجئے کہ یہ بات سو فیصدی درست نہیں ۔ڈائٹنگ کے دوران کیلوریز کو ایک مقرر مقدار میں استعمال کرنا اکثر صحیح فیصلہ ثابت نہیں ہوپاتا۔اس کی وجہ یہ ہے کہ جب ہم اپنے جسم کو ایک مقرر مقدار تک کیلوریز فراہم کرتے ہیں تو ہمارا مقررہ قدرتی وزن بھی اس تبدیلی کے سبب متاثر ہوتا ہے ۔
(جاری ہے)
وزن اور صحت ہم پلہ نہیں
ہمیں اس امر کو سمجھنا نہایت ضروری ہے کہ وزن خواہ کم ہویا زیادہ ،انسان دونوں صورتوں میں صحت مند رہ سکتا ہے یعنی صحت مند جسم کا دارومدار کبھی وزن پہ نہیں ہوتا ۔ضروری نہیں کہ زیادہ وزن رکھنے والے افراد صحت مند ہوں ۔یہاں تک کہ اس ضمن میں کی گئی تحقیق میں بھی یہ بات واضح نہیں ہوسکی ہے کہ آیا بہتر صحت کا تعلق وزن گھٹانے سے ہے یا ہمارے طرز زندگی میں کی جانے والی مثبت تبدیلیوں مثلاً بہتر غذائیت کے استعمال اور جسمانی سر گرمیوں سے ۔
وزن میں مستقل تبدیلی ،ڈائٹنگ کے ذریعے ممکن نہیں
دوسرے لفظوں میں یوں کہہ لیجئے کہ ڈائٹنگ ،مستقل عادات کے حصول میں معاون ثابت نہیں ہوتی ۔اگر ہم غذائیت سے بھر پور غذا کا استعمال اور جسمانی سر گر میوں کا دائرہ وزن کم کرنے کی حد تک محدود رکھتے ہیں تو مطلوبہ تنائج حاصل نہ ہونے کی صورت میں ہم ان عادات کو ترک کر دیتے ہیں جس کے سبب ہم نہ چاہتے ہوئے بھی اپنی غیر صحت بخش عادات کی طرف واپس آجاتے ہیں خواہ وزن میں کمی بھی کیوں نہ ہو جائے۔
ڈائٹنگ ذہنی صحت بھی متاثر کرتی ہے
جن افراد کے ذہنوں میں وزن کم کرنے کا رجحان پایاجاتا ہے و ہ مسلسل اپنی باڈی امیج کو لے کر انتہائی تشویش کا شکار اور ذہنی طور پر غیر مطمئن رہتے ہیں ۔ساتھ ہی ان کا ماننا ہے کہ ڈائٹنگ کے ذریعے وزن گھٹالینے کے بعد وہ ذہنی طور پر مطمئن ہوجاتے ہیں جبکہ ایسا ہر گز نہیں ۔اس کی وجہ یہ ہے کہ ڈائٹنگ کے ذریعے بہتر باڈی امیج کا حصول ممکن نہیں کیونکہ اس صورت میں اگر وزن دوبارہ بڑھنا شروع ہو جائے تو آپ کے تمام تر عزائم اور خود اعتمادی دھری رہ سکتی ہے ۔اس لئے باڈی امیج کی پرواہ کئے بغیر غذائیت سے بھر پور غذا کا انتخاب کیجئے ۔مت سوچئے کہ ریسٹورنٹ یا پا رٹی مینیو میں موجود غذائیں آپ کے ڈائٹ پلان میں شامل ہیں یا نہیں ،کس کھانے میں کتنی کیلوریز ہیں یہ سوچنے کے بجائے اس مرتبہ غذائیت پہ دھیان دیجئے۔
غرضیکہ رواں برس وزن گھٹانے کو اپنا عزم بنانے کے بجائے اچھی اور بہتر طرز زندگی کو اپنا شعار بنائیں
۔ڈائٹنگ سے اپنی ذہنی اور جسمانی صحت متاثر کرنے کے بجائے صحت بخش غذا کا انتخاب کریں اور جسمانی سرگرمیوں کو بھی اپنی زندگی کا حصہ بنائیں اور بھول جائیں ڈائٹنگ کی جھنجھٹ کو۔
Browse More Dieting
پیری کون ڈائٹ
Perricone Diet
رمضان ڈائٹ پلان
Ramadan Diet Plan
ڈائٹنگ کے بغیر وزن کم کرنا مشکل کام نہیں
Dieting Ke Bagair Wazan Kam Karna Mushkil Kaam Nahi
ڈائٹ بہتر کریں‘کمزور بھی نہ ہوں
Diet Behtar Karen Kamzor Bhi Na Hoon
اینٹی انفلیمیٹری ڈائٹ
Anti-Inflammatory Diet
اب ڈائٹ ہوگی صحت پر سمجھوتہ کئے بغیر
Ab Diet Ho Gi Sehat Per Samjhota Kiye Bagair
ڈائٹ پلان
Diet Plan
ڈائٹنگ نہ کیجئے
Dieting Nah Kijiyej
ذیابطیس کے مریضوں کیلئے7دن کا ڈائٹ پلان
Diabetes Ke Mareezon Ke Liye 7 Din Ka Diet Plan
ایل ایس ڈی(Lysergic Acid diethylamide)
LSD Lysergic Acid Diethylamide
ڈائٹنگ کے لیے اب چاول چھوڑنے کی ضرورت نہیں
Dieting K Liay Ab Chawal Chornay Ki Zaroorat Nehin
ماہ رمضان میں ۔۔۔۔ ڈائٹ پلان متوازن رکھیں
Maah E Ramzan Main Diet Plan Mutwazan Rakhain