Dry Fruit Pooray Din Main 20 Gram Muthi Bhar - Article No. 834

ڈرائی فروٹ پورے دن میں20گرام مٹھی بھرمقدار سے زیادہ نہ لیں - تحریر نمبر 834
بادام، اخروٹ،پستہ، مونگ پھلی، چلغوزہ اور کا جوکادودھ یاشہد کے ساتھ استعمال انہیں جلد ہضم ہونے میں مدددیتا ہے۔
منگل 8 دسمبر 2015
بادام
جس طرح آم تازہ پھلوں کابادشاہ ہے۔ اسی طرح بادام کوڈرائی فروٹس یامغزیات کابادشاہ قرار دیاجاتاہے۔ بادام خوب چباچبا کرکھاناچاہیے۔ اگر رات کوبادام کی چند گریاں پانی میں بھگوکرصبح چھلکا اتارنے کے بعد نہارمنہ کھائی جائیں تو یہ معدے کے ساتھ ساتھ آنکھوں اور دماغ کے لئے بھی مفید ہیں۔
دن بھر زیادہ سے زیادہ 20بادام ہی کھائیں اور بہتر ہے کہ ساتھ کشمش بھی استعمال کرلیں۔ کڑوا بادام کسی صورت استعمال نہ کریں کیونکہ اس میں ایک خاص قسم کازہرپایاجاتا ہے جوآنکھوں کی بیماریوں کاباعث بنتا ہے۔
اخروٹ
اخروٹ میں پائیے جانے والے وٹامنز اور معدنی نمک سے نہ صرف مسلز (Muscles) مضبوط ہوتے ہیں بلکہ اس سے میٹابولزم بھی تیزہوتاہے۔
(جاری ہے)
اخروٹ بھی کم کھائیں ورنہ طبیعت میں بے چینی کے علاوہ حلق میں خراش اور منہ میں چھالے بن سکتے ہیں۔
اخروٹ کے بعد چائے نہیں پینی چاہیے۔ اس سے کھانسی ہوسکتی ہے البتہ اخروٹ کی بھنی ہوئی گری کھانے سے کھانسی ختم ہوجاتی ہے۔ اخروٹ کے ساتھ کشمش کااستعمال نہ کریں۔
چلغوزہ
چلغوزہ جگر خصوصاََ گردوں کے لئے انتہائی اہم ہے۔ اس میں کولیسٹرول بالکل نہیں پایا جاتا۔ چلغوزے کا مناسب مقدار میں لمبے عرصے تک استعمال وزن کم کرنے میں مدددیتا ہے۔
چلغوزہ ہمیشہ کھانے کے بعد استعمال کریں ورنہ یہ بھوک ختم کردیتا ہے۔
یادرکھیں کہ 20گرام سے زائد چلغوزہ کھانے سے سراور جسم کے مختلف حصوص میں درد کی شکایت ہوسکتی ہے۔
کاجو
کاپر(Copper) میگنیشیم (Magnesium) اور نہ جمنے والی چکنائی کی وجہ سے کاجوکو ہر عمر اور جنس کے افراد کے لئے بہت موزوں تصور کیاجاتاہے۔
دیگر ڈرائی فروٹس کے برعکس کاجوکاچھلکا زہریلا ہوتاہے۔ اس لئے اسے چھلکا اتار کرکھایا جاتاہے۔ ریشز ، خراش، پھٹی ہوئی ایڑھیوں اور اینٹی فنگل ٹریٹمنٹ (Anti Fungal Treatment) میں آپ کاجوکاتیل استعمال کرسکتی ہیں۔ ایسے افراد جنہیں زیادہ پسینہ آتاہو، کاجو کا زیادہ استعمال نہ کریں، یہ صحت کے لئے نقصان دہ ہے۔
پستہ
پستہ لوبلڈپریشر، دل او ردماغ کے لئے نہایت مفید ہے۔ پورے دن میں مٹھی بھرپستہ کھانے سے اینٹی آکسیڈنٹس منرلز، وٹامنز اور پروٹین کی مطلوبہ مقدار حاصل ہوجاتی ہے۔ عام طور پرپستے سے کھانسی کاعلاج کیاجاتا ہے تاہم اگر ضرورت سے زیادہ بستہ استعمال کیاجائے تویہ کھانسی کاباعث بھی بن سکتا ہے۔
مونگ پھلی
وزن میں اضافے کے لئے مونگ پھلی کااستعمال بے حد فائدہ مند ہے تاہم مونگ پھلی کی افادیت بڑھانے کے لئے ساتھ گڑکااستعمال کریں۔
مونگ پھلی کا چھلکا اتارنے کے بعد اس پرموجود سرخی مائل باریک چھلکا بھی اتار دینا چاہیے۔
اکثر لوگ مونگ پھلی کوکھانسی کامحرک قراردیتے ہیں لیکن اس کی اصل وجہ کچی مونگ پھلی کااستعمال یامونگ پھلی کھانے کے بعد پانی پینا ہے۔
Browse More Ghiza Aur Sehat

سردیوں میں گرم دودھ پینا کن لوگوں کے لئے نقصان دہ ہے
Sardiyon Mein Garam Doodh Peena Kin Logon Ke Liye Nuqsan Deh Hai

پپیتے کے پتے
Papite Ke Patte

سرطان کے دوران اور علاج کے بعد مفید پھل
Cancer Ke Dauran Aur Ilaaj Ke Baad Mufeed Phal

مینگوسٹین فروٹ
Mangosteen Fruit

پانی قدرت کی لیبارٹری میں بنی قیمتی دوا
Pani Qudrat Ki Laboratory Mein Bani Qeemti Dawa

اُبلا ہوا انڈا یا آملیٹ
Ubla Hua Anda Ya Omelette

ڈائٹنگ اور ہماری دماغی صحت
Dieting Aur Hamari Dimaghi Sehat

کشمش ایک مفید میوہ
Kishmish Aik Mufeed Mewa

شہد اور دار چینی کے استعمال سے موٹاپا اور گلے کی خرابی دور
Shehad Aur Daar Cheeni Ke Istemal Se Motapa Aur Gale Ki Kharabi Dor

کیا کم خوراکی عمر بڑھا سکتی ہے
Kya Kam Khuraki Umar Barha Sakti Hai

بادام ایک خوش ذائقہ میوہ
Badam Ek Khush Zaiqa Mewa

موسم سرما کی اُداسی کم کرنے والی غذائیں
Mausam Sarma Ki Udasi Khatam Karne Wali Ghazain