حرارہ (کیلوری ) جسمانی توانائی ناپنے کی اکائی ہے ۔ جس طرح زیادہ کھانے سے حاصل ہونے والے فالتو حرارے جسم میں چربی کی شکل میں جمع ہوجاتے ہیں، اس طرح بہت کم کھانے کی صورت میں جسم اپنی ضرورت جمع شدہ چربی سے پوری کرتا ہے اور اس طرح ہمارا وزن کم ہوجاتا ہے ، اس لیے اگر آپ چاہتے ہیں کہ آپ کا جسم سڈو اور متناسب رہے تو اپنی غذاؤں سے حاصل ہونے والے حراروں کا حساب ضرور رکھیے ۔
ہر ہفتے آدھا کلو تک وزن کم کرنا ہی مناسب ہے ، ا س لیے فاقے کرنے کے بجائے اتنی غذا ضرور کھایئے کہ دن بھر میں آپ کو ایک ہزار سے پندرہ سو حرارے حاصل ہوجائیں ۔ فاقہ کرنا یا بہت کم کھانا جسم کے لیے نقصان دہ ثابت ہوسکتا ہے ۔ سب سے اچھا طریقہ یہ ہے کہ اپنے معالج سے رابطہ رکھیں ۔
ماہرین کی رائے میں ہمیں اپنے مطلوبہ حراروں کا 60فیصد حصہ نشاستوں (کاربوہائڈریٹس ) سے ، 30 فیصد روغنیات (چکنائیاں ) سے اور 10فیصد لحمیات (پروٹینز ) سے حاصل کرنا چاہیے ۔ ایک گرام نشاستے سے ہمیں 4حرارے۔ طویل ہوتے ہیں ، جب کہ ایک گرام لحمیات سے جسم میں حراروں کی کھپت کی شرح کم ہوجاتی ہے ۔ پھر جب وزن میں کمی آجاتی ہے تو ہم قدرے زیادہ مقدار میں دوبارہ کھانا پینا شروع کردیتے ہیں اور اس طرح وزن پھر تیزی سے بڑھنا لگتا ہے ، کیوں جسم زیادہ حراروں کا استعمال کرنے سے قاصر رہتا ہے ۔ اس دشواری سے نجات حاصل کرنے کے لیے ضروری ہے کہ صرف کھانے میں کمی کے ذریعے سے (ڈائٹنگ ) وزن گھٹانے کی کوشش نہ کی جائے ، بلکہ اس کے ساتھ ساتھ ورزش بھی کی جائے ، تاکہ جسم کے ہضم وجذب کی شرح کم ہوئے بغیروزن میں کمی ہو ۔
اسٹرابیری چربی جلاتی ہے :
اسٹرابیری کا سرخ رنگ چکنائی کوجلانے کی خاصیت رکھتا ہے ۔ ایک نئی تحقیق کے دوران جب حیوانوں کے ایک گروپ کو چکنائی کے ساتھ کھانے کو تھوڑی سی اسٹرابیریاں دی گئیں تو ان کا وزن 24 فیصد کم ہوگیا ، لیکن جن حیوانات کو صرف چکنائی کھلائی گئی، ان کا وزن کم نہیں ہوا۔ اس تحقیق سے یہ معلوم ہوا کہ وہ افراد جو اپنا وزن کم کرنا چاہتے ہیں ،انھیں اسٹرابیری کے موسم میں روزانہ اسٹرابیری کھانی چاہیے ۔
جسمانی وزن سے غافل نہ رہیے :
آلو کھان کم کردیجیے اور غصہ کرنا چھوڑ دیجیے ، اس کے لیے کہ ان سے وزن میں اضافہ ہوتا ہے ۔ اپنے جسمانی وزن پر نگاہ رکھیے ، اسے بڑھنے نہ دیجیے۔ وزن کی زیادتی صحت کی دشمن ہے ۔ یہ ذیابیطس قسم دوم کاایک اہم سبب بھی ہے ۔ ذیابیطس قسم دوم وزنی بچوں میں تیزی سے پھیل رہی ہے ۔
اپنی غذاؤں میں کھیرے اوردہی کو شامل کر لیجیے یہ دونوں اشیا وزن کم کرنے میں مدددیتی ہیں ۔