Hum Narnji Sabziya Q Khaye - Article No. 1145

ہم نارنجی سبزیاں کیوں کھائیں؟ - تحریر نمبر 1145

جمعہ 15 ستمبر 2017

Hum Narnji Sabziya Q Khaye - Article No. 1145

ہم نارنجی سبزیاں کیوں کھائیں؟
ہمیں اپنی روزانہ کی غذاؤاں میں نارنجی رنگ کی سبزیوں کوضرور شامل کرنا چاہیے۔ سبزیاں مفید صحت ہوتی ہیں ۔ ذیل میں ان سبزیوں کے مختلف فائدے درج کیے جا رہے ہیں۔
1 :حیاتین الف(وٹامن اے)میں ایک تیزاب ہوتا ہے، جسے ریٹی نائک کہتے ہیں ۔ یہ گاجر اور شکرقندی میں کثرت سے ہوتا ہے۔

فلاڈیلفیا کے ایک مرکز میں کی گئی تحقیق کے مطابق ریٹی نائک تیزاب چھاتی کے سرطان کو کم کرتا ہے، بشرطے کہ سرطان ابتدائی مرحلے میں ہو۔
2: دوپہر کے کھانے کچی گاجر یں کھانے سے جسم کو بیٹا کیروٹین حاصل ہوتی ہے۔ تحقیق سے معلوم ہوا کہ یہ دل کی بیماریوں سے ہمیں بچاتی ہے۔
3:بیٹا کیروٹین مانع تکسید ہے۔

(جاری ہے)

یہ ہماری بینائی کو بہتر رکھتی اور قوتِ مدافعت بڑھاتی ہے۔ گاجر اور شکر قندی میں یہ زیادہ مقدار میں ہوتی ہے۔ انھیں بھونا یا تھوڑا سا تیل ڈال کر تلا بھی جا سکتا ہے، جس سے حیاتین الف(وٹامن اے)جسم میں جذب ہوجاتی ہے۔
4:گاجر اور حلوہ کدو میں لیوٹین نامی مادہ رنگ(PIGMENT ) پایا جاتا ہے، جو سبزیوں کو رنگین بناتا ہے۳۵۰۰۰ خواتین کا طبی جائزہ لینے کے بعدتحقیق کاروں کا معلوم ہوا کہ یہ خواتین گاجر اور کدو زیادہ کھاتی ہیں،لہٰذا انھیں بہت کم سبزیاں کھانے والی خواتین کی نسبت موتیا بند کا خدشہ ۱۸ فیصد کم ہوا۔

ان دونوں سبزیوں کا کھانا صحت کے لئے بہت مفید ہے۔
5:حیاتین ۶ (وٹامن بی۶)ہمارے خون کے خلیوں کی افزائش کرتی اور لحمیات (پروٹینز) کو ہضم کرنے مدد دیتی ہے۔ یہ قوتِ مدافعت میں اضافہ کرتی اور ضدِ اجسام (ANTIBODIES )بھی پیدا کرتی ہے، جو ہمیں بیماریوں سے بچاتے ہیں۔ ایک درمیانے سائز کی شکر قندی جسے چھلکے سمیت بھون لیا گیا ہو، آپ کی روزانہ کی حیاتین کی ضرورت کو ۲۵ فیصد تک پورا کرسکتی ہے۔
6: اگر دن کا آغاز اچھے انداز میں کرنا ہوتو گاجر کا رس صبح کے وقت پییں۔ یہ رس بہت صحت بخش ہوتا ہے۔

تاریخ اشاعت: 2017-09-15