Thanda Metha Mazze Dar Tarbooz - Article No. 1643
ٹھنڈا میٹھا مزے دار تربوز - تحریر نمبر 1643
جب سخت لو چلتی ہے اور ہمارا پیٹ پانی پی پی کر مٹکابن جاتا ہے تو تربوز کی ٹھنڈی میٹھی قاشیں کھانے سے ہماری پیاس مٹ جاتی ہے۔
منگل 6 اگست 2019
تربوز کی سب سے اہم تاثیر یہ ہے کہ اسے کھانے سے گردوں کو بہت فائدہ پہنچتا ہے ۔
(جاری ہے)
اس کے علاوہ یہ آنتوں کی خشکی بھی دور کر دیتا ہے۔انسانی جسم میں ایک تیزاب بنتا ہے،جسے صفرا(BILE) کہتے ہیں،کبھی اس کی مقدار بڑھ جاتی ہے۔اس کے خون میں مل جانے سے یرقان ہوجاتا ہے تو کبھی پیشاب جلن کے ساتھ آنے لگتا ہے یا پھر پیلے رنگ کے دست آنے لگتے ہیں ۔تربوز ان شکایات کو دور کرنے کا ایک مفید علاج ثابت ہوتاہے۔
خوب پکے ہوئے تربوز کا گودا منھ میں اچھی طرح گھلا کر کھانے سے نہ صرف لذت ملتی ہے ،بلکہ صحت بھی اچھی ہو جاتی ہے۔تربوز کھانے سے خون کی بڑی رگیں بھی پھیل کر چوڑی ہو جاتی ہیں۔اس طرح خون کا بڑھا ہوا دباؤ کم ہو جاتاہے۔بلڈ پریشر کے مریضوں کو گرمی کے موسم میں شام کو 4-3بجے پابندی سے تربوز کھانا چاہیے۔
تربوز کے بیج بھی شوق سے کھائے جاتے ہیں ۔ان میں دماغ کو طاقت پہنچانے کی صلاحیت ہوتی ہےاس کے علاوہ ان میں ایک خاص قسم کا جزو ہوتاہے،جو خاص طور پر خون کی رگوں کو کشادہ کرتا ہے ،اس لیے انھیں پھینکنا نہیں چاہیے۔ویسے اس کے بیجوں کا مغز بھی دکانوں پر مل جاتا ہے ۔آپ یہ لے کر کھائیں یا بیجوں کو چھلکوں سمیت کوٹ کر ایک پیالی پانی میں بھگو کر رات کو رکھ دیں اور صبح انھیں مل کر چھلنی سے چھان کر پانی پی لیں،آپ کے گھر یا خاندان کے جو بزرگ بلڈ پریشر کے مریض ہیں، ان کو اس سے فائدہ ہوگا۔
تربوز کو خالی پیٹ یا کھانے سے پہلے کھانا چاہیے۔اس کے ساتھ چاول کا کھانا بھی مناسب نہیں سمجھا جاتا۔گرمیوں میں آپ اس کا شربت بھی بنا کر پی سکتے ہیں ۔اس میں تھوڑا سا عرق گلاب ملانے سے یہ اور بھی مفید ہو جاتاہے۔اس طرح گھبراہٹ کم ہو جاتی ہے ۔گرمیوں میں ہونے والی کھانسی میں اگر بلغم نہ نکل رہا ہو،یعنی خشک کھانسی ہوتو تربوز کے کھانے سے فائدہ ہوتاہے۔اس کے صفائی سے کٹے ہوئے سرخ ٹکڑوں کو ٹھنڈا کرکے کھانے سے پہلے آپ اگر ان پر تھوڑی سی کالی مرچ ،نمک اور سفید زیرہ پیس کر چھڑ ک لیں تو یہ بہت مفید ہوجاتا ہے۔تربوز کا سرخ رنگ لائکوپین(LYCOPENE) کہلاتا ہے ۔یہ آپ کو سرطان سے محفوظ رکھتاہے۔
100گرام تربوز میں درج ذیل صحت بخش اجزاء پائے جاتے ہیں:
حیاتین الف(وٹامن اے) 590بین الاقوامی یونٹ
حیاتین ب(وٹامن بی=تھایامن) 50ملی گرام
حیاتین ب2(وٹامن بی=2رائبو فلاون) 50ملی گرام
حیاتین ب3(وٹامن بی=3نایاسن) 2ء ملی گرام
حیاتین ج(وٹامن سی) 2ملی گرام
لحمیات(پروٹینز) 5ملی گرام
حرارے(کیلوریز) 68
نشاستہ(کاربوہائیڈریٹ) 29ملی گرام
کیلسیئم 7ملی گرام
فولاد 6ملی گرام
فاسفورس 16ملی گرام
Browse More Ghiza Aur Sehat
کھٹا میٹھا مزیدار انار
Khatta Meetha Mazedar Anar
بھنڈی ۔ جادوئی اثر رکھنے والی سبزی
Bhindi - Jadui Asar Rakhne Wali Sabzi
جو کا پانی
Jau Ka Pani
صحت کے لئے ہلدی بھی ضروری
Sehat Ke Liye Haldi Bhi Zaroori
ہم ٹماٹر کیوں کھائیں
Hum Tomato Kyun Khayen
ملیٹھی ۔ لاجواب دوا
Mulethi - Lajawab Dawa
زیتون کے استعمال سے درد غائب
Zaitoon Ke Istemal Se Dard Gayab
روزہ اور صحت
Roza Aur Sehat
ادرک کی چھوٹی سی جڑ ہماری صحت کی ضامن
Adrak Ki Choti Si Jar Hamari Sehat Ki Zamin
منقہ کھائے صحت پائے
Munakka Khaye Sehat Paye
ن سے ناشپاتی
Noon Se Nashpati
اسٹرابیری کے وہ حیرت انگیز فوائد جو آپ نہیں جانتے
Strawberry Ke Woh Hairat Angez Fawaid Jo Aap Nahi Jante