Mango... Fawaid Se Mala Maal Samar - Article No. 1592
آم ۔فوائد سے مالامال ثمر - تحریر نمبر 1592
آم کھانے کا موسم پھر آگیا۔اپنے اپنے موسم میں ہر پھل خوب کھایا جاتا ہے،لیکن جس کثرت اور رغبت سے آم کھایا جاتا ہے
منگل 11 جون 2019
آم کھانے کا موسم پھر آگیا۔اپنے اپنے موسم میں ہر پھل خوب کھایا جاتا ہے،لیکن جس کثرت اور رغبت سے آم کھایا جاتا ہے ،دنیا کا شاید ہی کوئی پھل کھایا جاتا ہو۔پاکستان اور ہندوستان آم کا گھر کہلاتے ہیں۔بہترین آم اُسے سمجھاجاتا ہے ،جو بے حد شیریں اور بے ریشہ ہو۔آم موسم گرما کا معروف اور لذیذ ترین پھل ہے۔اسے پھلوں کا بادشاہ کہا جاتا ہے ۔یہ اپنے منفرد ذائقے اور لذت کی وجہ سے نہ صرف پاکستان اور ہندوستان ،بلکہ دنیا کے دیگر ملکوں میں بھی بڑے شوق سے کھایا جاتا ہے ۔یہ بچوں اور بڑوں کا سب سے پسندیدہ پھل ہے۔آم پرتو مرزاغالب اور علامہ اقبال بھی فدا تھے۔
کئی اقسام کے آم پاکستان میں کاشت کیے جاتے ہیں،مثلاً سرولی،لنگڑا،دسہری،انور رٹول،سندھڑی،چونسا،فجری ،سفیدہ، مالدا،فضلی،ثمر بہشت اور توتاپری وغیرہ۔
(جاری ہے)
آم کی دو بڑی قسمیں ہیں:قلمی اور تخمی۔قلمی کو پیوندی بھی کہتے ہیں،جسے دو مختلف قسموں کی ٹہنیوں کو آپس میں ملا کر حاصل کیا جاتا ہے۔اس قسم میں مٹھاس اور گودازیادہ ہوتا ہے ۔قلمی آم دیر ہضم اور ثقیل ہوتا ہے ،جب کہ تخمی آم زودہضم ہوتا ہے ۔یہ چونکہ صرف اپنی گٹھلی سے درخت بنتا ہے،اس لیے تخمی آم کہلاتا ہے۔تخمی آم کا رس چوسا جاتا ہے اور قلمی آم کو کاٹ کر کھایا جاتا ہے ۔پکا ہوا آم میٹھا ،نہایت لذیذ اور فرحت بخش ہوتا ہے اور ہر عمر کے افراد کے لیے مفید ہے۔کھٹا آم اتنا لذیذ اور مزے دار نہیں ہوتا ،لیکن اسے کھانے سے بھوک بڑھ جاتی ہے۔یہ صفرے کی زیادتی کو ختم کرتا ہے ۔اس سے گردے اورمثانے کی پتھری ٹوٹ کر خارج ہوجاتی ہے۔کھٹا آم آنکھوں کے مرض شب کوری کو دُور کرنے میں بھی فائدہ مند ہے۔
آم میں گلوکوس اور حیاتین الف،ج(وٹامنز اے ،سی)زیادہ مقدار میں ہوتی ہیں۔آم میں لحمیات (پروٹینز)کم ہوتی ہیں،البتہ نشاستہ(کاربوہائڈریٹ)اور شکر کافی مقدار میں ہوتے ہیں ۔اس کے علاوہ اس میں فاسفورس ،فولاد،کیلسےئم اور پوٹاشےئم بھی پائے جاتے ہیں ،جس کے باعث یہ بہت توانائی بخش پھلوں میں شمار کیا جاتا ہے ۔آم میں حرارے(کیلوریز)کم ہوتے ہیں۔بیٹا کیروٹین اور نمکیات بھی آم میں پائے جاتے ہیں،جو صحت پر اچھے اثرات مرتب کرتے ہیں۔ آم پھیپھڑوں ،ہڈیوں کے گودے،چھاتی،بڑی آنت اور غدئہ قدامیہ(پروسٹیٹ گلینڈ)کے سرطانوں سے محفوظ رکھتا ہے۔
آم قبض کشا اور مقویِ باہ پھل ہے ۔اس کے پتوں میں ایک ایسا خاص قسم کا جزوپایاجاتا ہے ،جو مانع وائرس ہے اور داد کی بیماری دُور کرنے میں اکسیر ہے ۔بواسیر کی شکایت دور کرنے کے لیے آم کی کچی کونپلوں کو جو شاندہ پینا مفید ہوتا ہے ۔یہ کونپلیں بواسیر کے خون کو روک دیتی ہیں ۔آم کے پتے،گوند،گٹھلی اور چھال ادویہ میں استعمال کیے جاتے ہیں۔
اسہال کے خاتمے اور ذیابیطس پر قابو پانے کے لیے مریض کو آم کے پتوں کا سفوف کھلا یا جاتا ہے ۔آم کھانے سے خون میں کولیسٹرول کی سطح کم ہو جاتی ہے ۔روزانہ ایک دو آم کھانے سے ہاضمے کا نظام درست رہتا ہے ۔کچا آم گرمی،متلی ،قے دُور کرتا اور پیاس بجھاتا ہے ۔اسے کھانے سے لُو بھی نہیں لگتی،لیکن یہ آم زیادہ مقدار میں نہیں کھانا چاہیے۔
خون کی کمی میں مبتلا افراد کو روزانہ آم کھانے چاہییں اور آم کھانے کے بعد دودھ ضرور پینا چاہیے۔چند دنوں میں خون کی کمی جاتی رہے گی اور اُن کے چہروں کی زردی ختم ہو کر سُرخی جھلکنے لگے گی۔خون کی خرابی کی شکایت میں،جب کہ جلدی شکایات بھی لاحق ہوں تو آم کھانے کے بعد لسی پینی چاہیے۔اس طرح جلدی تکالیف بہت جلد ختم ہو جاتی ہیں اور چہرے کا رنگ بھی نکھر جاتاہے۔
حاملہ خواتین کے لیے آم بہت فائدہ مند ہے۔اسے کھانے سے انھیں قبض نہیں ہوتا،بھوک خوب کھل کر لگتی ہے اور اُن کے ہاں صحت مند،خوب صورت اور توانا بچہ پیدا ہوتا ہے ۔جو خواتین بچوں کو اپنا دودھ پلاتی ہوں،انھیں آم ضرور کھانا چاہیے،اس سے دودھ زیادہ مقدار میں پیدا ہوتا ہے۔
آم کی چٹنی بہت لذیذ ہوتی ہے ۔اس میں لہسن شامل کرکے کھانے سے اختلاج قلب کی شکایت جاتی رہتی ہے ۔آ م کا اچار ہاضمے کو قوی کرتا ہے ،لیکن اسے مناسب مقدار میں ہی کھانا چاہیے۔آم کا مربّا بے حد فرحت بخش اور مقوی ہوتا ہے۔ اپنے ذائقے کی وجہ سے اسے بہت پسند کیا جاتا ہے ۔گرمی اور حبس کے دنوں میں اس کا کھانا مفید ہے۔
Browse More Ghiza Kay Zariay Mukhtalif Bemarion Ka Elaaj
کھٹا میٹھا مزیدار انار
Khatta Meetha Mazedar Anar
بھنڈی ۔ جادوئی اثر رکھنے والی سبزی
Bhindi - Jadui Asar Rakhne Wali Sabzi
جو کا پانی
Jau Ka Pani
صحت کے لئے ہلدی بھی ضروری
Sehat Ke Liye Haldi Bhi Zaroori
ہم ٹماٹر کیوں کھائیں
Hum Tomato Kyun Khayen
ملیٹھی ۔ لاجواب دوا
Mulethi - Lajawab Dawa
زیتون کے استعمال سے درد غائب
Zaitoon Ke Istemal Se Dard Gayab
ادرک کی چھوٹی سی جڑ ہماری صحت کی ضامن
Adrak Ki Choti Si Jar Hamari Sehat Ki Zamin
ن سے ناشپاتی
Noon Se Nashpati
اسٹرابیری کے وہ حیرت انگیز فوائد جو آپ نہیں جانتے
Strawberry Ke Woh Hairat Angez Fawaid Jo Aap Nahi Jante
کیوی ۔ غذائیت اور افادیت سے مالامال فروٹ
Kiwi - Ghizaiyat Aur Afadiyat Se Malamaal Fruit
موسم ہے تو سرسوں کا ساگ ضرور کھائیں
Mausam Hai To Sarson Ka Saag Zaroor Khaain