Papita (papaya) - Aik Hazam Phal - Article No. 2538
پپیتا ۔ ایک ہاضم پھل - تحریر نمبر 2538
اگر پکا ہوا پپیتا دستیاب نہ ہو تو کچا پپیتا بھی کھایا جا سکتا ہے
منگل 13 ستمبر 2022
گوشت گلانے کی خصوصیت
پپیتا ہضم کے نظام کی شکایتوں میں بے حد مفید ہے۔دوا کے طور پر اس کا کچا پھل استعمال کیا جاتا ہے۔کچے پھل سے حاصل ہونے والا دودھیا رس،بیج اور گودا دوائی خواص سے بھرپور ہوتا ہے۔
(جاری ہے)
کچے پپیتے کے دودھیا رس میں جو ہاضم جوہر پایا جاتا ہے،وہ گوشت کو بہت تیزی سے گلا دیتا ہے۔گوشت گلانے کی اس خصوصیت کا سب سے زیادہ فائدہ تکے بنانے والے اور کباب فروش حاصل کرتے ہیں۔
اگر کچے پپیتے کو سائے میں خشک کرکے اس کو باریک پیس کر رکھ لیا جائے تو گوشت پکاتے ہوئے اس سفوف کی صرف ایک چٹکی ڈال دینا کافی ہو گا اور گوشت تھوڑی دیر میں بالکل گل جائے گا۔بھوک نہ لگنا
کچے پپیتے کے دودھ میں پے پین نامی جو ہاضم خامرہ پایا جاتا ہے،وہ گوشت کو تیزی سے گلا دیتا ہے۔یہ ہاضم خامرہ ہضم کی کمزوری میں بہت مفید ہے۔اس خامرے کے استعمال سے بھوک خوب کھل کر لگتی ہے۔خامرہ حاصل کرنے کا طریقہ یہ ہے کہ کسی صاف کپڑے پر کچے پپیتے کا دودھ لگا کر خشک کر لیں۔اسی طرح کئی عدد پپیتوں کا دودھ کپڑے پر خشک کرنے کے بعد اس کپڑے کو احتیاط سے جھاڑ لیں۔جو سفوف کپڑے سے گرتا جائے،اسے اکٹھا کر لیں۔اسے ہر کھانے کے بعد ایک رتی کی مقدار میں شکر ملا کر کھائیں،اس سے کھانا خوب ہضم ہو گا اور بھوک بھی خوب کھل کر لگے گی۔اس سادہ سے نسخے پر عمل کرنے سے سارا ہضم کا نظام بیدار ہو جاتا ہے،جگر خوب اچھی طرح کام کرتا ہے،آنتیں غذا کو اچھی طرح ہضم و جذب کرتی ہیں اور کھانے کی خواہش اور رغبت میں اضافہ ہوتا ہے۔
بعض لوگوں کو بھوک اس وجہ سے نہیں لگتی ہے کہ ان کے معدے میں غشائے مخاطی (ناک کی بلغمی جھلیاں) کی چکنی رطوبت بہت زیادہ مقدار میں جمع ہو جاتی ہے یا معدے کی دیواروں سے خارج ہونے والے ہاضم رس کی مقدار میں کمی آ جاتی ہے اور اس وجہ سے انھیں بدہضمی رہتی ہے۔کچے پپیتے کا سفوف ان تمام شکایات کا واحد اور موٴثر حل ہے۔کچے پپیتے کا تازہ دودھیا رس جلد میں داد کے مقام پر لگانے سے فائدہ ہوتا ہے۔یہ رس داد کے مقام پر لگانے سے پہلے اس جگہ کو کسی کھردری چیز سے کھرچ لیا جاتا ہے۔اس کے لگانے سے کافی جلن ہوتی ہے،لیکن فائدہ بھی جلد ہوتا ہے۔
جگر اور تلی
بڑھی ہوئی تلی (Spleen) اور جگر کے فعل کو درست کرنے کے لئے پکا ہوا پپیتا بھی کھایا جاتا ہے۔اگر پکا ہوا پپیتا دستیاب نہ ہو تو کچا پپیتا بھی کھایا جا سکتا ہے۔پپیتے کے ٹکڑے یا قاشیں کاٹ کر سرکے میں بھگو دیں۔آٹھ دس دن کے بعد روزانہ ایک ٹکڑا کھانا شروع کر دیں۔ہضم کے نظام کی اصلاح کے لئے نہایت موٴثر دوا ہے۔
Browse More Ghiza Kay Zariay Mukhtalif Bemarion Ka Elaaj
کھٹا میٹھا مزیدار انار
Khatta Meetha Mazedar Anar
بھنڈی ۔ جادوئی اثر رکھنے والی سبزی
Bhindi - Jadui Asar Rakhne Wali Sabzi
جو کا پانی
Jau Ka Pani
صحت کے لئے ہلدی بھی ضروری
Sehat Ke Liye Haldi Bhi Zaroori
ہم ٹماٹر کیوں کھائیں
Hum Tomato Kyun Khayen
ملیٹھی ۔ لاجواب دوا
Mulethi - Lajawab Dawa
زیتون کے استعمال سے درد غائب
Zaitoon Ke Istemal Se Dard Gayab
ادرک کی چھوٹی سی جڑ ہماری صحت کی ضامن
Adrak Ki Choti Si Jar Hamari Sehat Ki Zamin
ن سے ناشپاتی
Noon Se Nashpati
اسٹرابیری کے وہ حیرت انگیز فوائد جو آپ نہیں جانتے
Strawberry Ke Woh Hairat Angez Fawaid Jo Aap Nahi Jante
کیوی ۔ غذائیت اور افادیت سے مالامال فروٹ
Kiwi - Ghizaiyat Aur Afadiyat Se Malamaal Fruit
موسم ہے تو سرسوں کا ساگ ضرور کھائیں
Mausam Hai To Sarson Ka Saag Zaroor Khaain